Breaking News Ralhrang nih Thantlang khua an khangh than. Tuni chun ah a tlawmbik inn 20 renglo a kang cang lai tiah ruahdamh a si. Thantlang khua hngak ralrang kan tthawl khawh hna lo cun,Thantlang khuapi ningin an khangh dih te lai dah! A dongh ah zaam ulaw kan in ti hna lo,zaam ulaw nan kan ti tiah mah le mah i sawhchih hna um suallo nak dingah Thantlang mipi nih zalong tein cawlcanghnak dingah kianhmi si ko caah manngei in hman i zuam usih.Enter
Chinram, Mindat peng Rammi Uknak Phu, Fim Cawnnak Department hruainak in khuate 80 leng um ralzaam ngakchia 3343 ca ah ca chimnak an thawk cang, Cu ngakchia hna ca chimh khawh nakding ah CDM a tuah mi saya/mah hna le taanghra a awng mi hna fonh in minung 433 cu Rammi Uknak Phu, Fim Cawnnak Department nih training a pek hna i ca an chimh hna tiah kan theih. “Ca cawn kan thawknak hi zarh thum hrawng a si cang.
Saya/mah 400 leng kha an kan then i training an kan pek. Atu hin cun round 4 nak an dih a si. Mah khawh zong in training peknak a um rih lai. Training aa lim cang mi hi 100 leng an si cang” tiah Mindat Rammi Uknak phu in chimnak nawlngeitu Salai Zaw Mang nih a chim. Ralzaam ngakchia hna caah cun ca an cawn khawh mi hi lungthin in taksa lei tiang a thanchotertu a si tiah a chim.
“Ka i a um mi ngakchia hna nih an thinlung in ralzaam kan si ti ruahnak philh in ca an cawng, lente an i celh, fimnak zong an hmu. Mah pawl hi annih ca ah a lam kip in a herh tuk mi a si. Ngandam, fimnak lei in kaar kan hlaanter hna, kan bawmhchanh hna, thazaang kan pek hna khi a si ko” tiah a chimchap. Yaw peng i a phan mi ralzaam ngakchia hna ca zong ah Mindat Emergency Response Team nih thazaang bawmh in fimcawnnak lei zong an tawlrel lio a si tiah kan theih.
“Yaw peng lei ralzaam ngakchia hna ca fim cawnnak lei timhlamhnak pakhat kan ngei. Yaw peng kan ti ko nain a taktak kan bawmh khawh mi cu Kyaukhtuh peng pakhat lawng a um rih. A taang mi Yaw peng ah Htilin, Gangaw peng ralzaam ngakchia hna caah kan i phakzawk rih lo caah kan tuah kho rih lo. Atu ah cun Kyaukhuh lei lawng kan tuah khawh rih” tiah Mindat Emergency Response Team in nawlngeitu pakhat nih a chim. Ref: Mizzima
Leave a Reply