Tuni Thantlang Kahdohnak Thawngpang Kan Theih Mi A Background Cu Theih A Nuam Ko Tahlak Nichuak Khi A Si
Tuchun May 23 zing ah CDF-Thantlang le ralhrang karlak Thantlang khua chungah kahdohnak a chuak. Zinglei 6:00am hrawngah ralhrang lei nih an rak fuh hna i an rak kah hna i zaanlei 2:30pm tiang kahdohnak a um. Cu kahdohnak ahcun ralhrang lei in minung 6 leng hell ah an kuat hna i minung 8 renglo hliam an tuar tiah CDF-Thantlang nih thawng an thanh. CDF-Thantlang in kan pasalttha minung 4 nih hliam an tuar. Nain an hma hi thinphang an si lo tiah an langhter( Pathian a ttha tuk e). Ref. Information and Public Relations Department.
Relchap, Lai meithal i put in ram a vai mi Chin ramkulh ,Tedim peng Saizaang(ဆိုင်းဇန်) khuami pahnih cu SAC ralkap nih an tlaih hna hnu ah an nunnak an lak hna tiah khuami nih an chim. SAC ralkap kut in nunnak a liammi Salai Pawng Za Mawng le Salai Pawng Sun Thang hna cu Hmuapi(မွှာပီး) khuapawng ramlak ah ni 6 chung ram an veih hnu an kirlei May 21 ah SAC ralkap he an i tong i an tlaih hna hnu ah an thah hna tiah chungkhar he neihniam in ummi nih a chim.
” Anmah he hmunkhat ah ram vaih in a kirti mi hna cu hmai ah an kalchung caah an luat, Lai meithal he an si caah CDF in an ruah hna i tlaih an ton hi a si, inn an phanhlo caah hlathlainak tuah hnu lawng ah an nunnak a liam cang tiah theih an si. An pahnih in CDF chungtel tiin ruah an si caah SAC ralkal nih an thah hna” tiah a chim. Khuachung mi pahnih thah an tonnak kong he pehtlai in SAC ralkal lei media nih cun cu khuami pahnih hna cu CDF chungtel an si tiah an tial.
SAC ralkap kut in nunnak a liammi hna he neihniam in a ummi hna nihcun anmah cu mi sawhsawh an si, ramvaih in a paw ai cawm mi an si tiah an chim. Nunnak liammi Salai Pawng Za Mawng cu kum 29 a si i, Salai Pawng Sun Thang cu kum 21 a si. Cazin kan lak khawh ning ah SAC ralkap nih hramhram uknak an lak hnu ah SAC ralkap kut in Chin ramkulh chungah nunnak liam mi 200 tluk hrawng an si cang, cu chung in minung 6 cu Tedim khuami an si tiah RFA nih an tial.
UFO kong a hlathlai tu hna nih cun NASA nih Mars vawlei hman a thlak mi ah Alien pakhat lungpher cung i a zau lio an hmuhnak kong an chim. Hmanthlak hi NASA nih Mars vawlei sen ah a thlah mi Mars rover ni a sih a thlak mi a si i, a hmanthlak ning ahcun Alien nih hin Mars Rover cu a zau pah in rak zoh ko sehlaw a lo.
Lungpher cung i minung pakhat a kha i tunh pah in Angki dum te, a hngawng hrawng a sen bantuk tein a um mi hi Alien cu a si lai tiah zumh mi cu a si i, hi lungpher kam ah hin Keneh zong an hmuh chih fawn. Hi hmanthlak hi NASA nih cun official tein kum 2021 April thla ah an rak chuah cang mi a si.
Hi thawngpang hi British cozah caah UFO kong a hlathlaitu Nick Pope nih “Vawlei lenglei nunnak he naihniam in kan um ah cun, an nih phun cu kanmah nakin kum million or billion in a hmaisa deuh ding an lo tiin a chim hnu ah a hung chuak mi a si.
Kan ruah phak leng technology an hmang lai tiah Pop nih cun a chim. “Alien nih hong kan do hna sehlaw, Vawlei cung raltuknak Vanlawng ttha bik Stealth Fighter jet kha fei le nam va doh bantuk kan si men lai” tiah a ruahnak a chim. “Technology an hman mi hi Magic he hmanh thleidan awk ttha lo mi a si lai. Alien nih an hman ralhriam nih cun minung kan nunnak hna hi cu dak tiin lung a dur ah khin a lak khawh lai” tiah a chim chap.
Nizaan suimilam 12:00 hrawngah Pakokku ah Posu lamzawhnak hna ah hruaitu chun hna ah aa tel mi an hmatpungtin pawl social media ah langhter mi Pakkokku khuapi, number (11) sang, Myaing lam (7) ah a um mi mipi sual ngei lo U Aung Kyaw Htet, Pakkoku khuapi number (10) sang Yan Aung lam an a um mi mipi sual negi lo Daw Hto Kyi hna cu cu SAC ralhrang nih lamzawhnak an nan i tyel tiah an ti hna i, an tlaih hna tiah theih a si.
Cu pinah nizaan suimilam 9:00 hrawwngah mipi isual ngei lo SAC ralhrang nih social media cungah a dik lomi, a si lomi thawngpang na langhter, Sahrang PDF pawl bomh cohlangnak na langhter tiin Pakokku khuapi number (3) sang, lam (7) nak ah a um mi Ma Aye Aye Ma cu SAC ralhrang nih an tlaih tiah theih a si.
Leave a Reply