Thantlang khuachung ah hriamhme he hriamngan he hmang in an kah hna caah khuachung in hliamh mi an um

Breaking News!! Chin ramkulh Thantlang khuachung ah nihin September 9, suimilam 1:00 hrawng in kahdohnak achuak, ralhrang phu hna nih khuachung ah hriamhme he hriamngan he hmang in an kah hna caah khuachung in hliamh mi an um, cun inn lo zong a hrawh len tiah theih a si. Ralhrang phu lei in a tlawmbik minung 2 hrawng cu an thi lai tiah khuami pakhat nih a chim. Puahkeh a chuahnak hmun hi TBC Biakinn hmai le Market hmai le Market thlang lei hna an si, hmuntampi ah puahkehnak thawng cu kan theih tiah khuami pakhat nih a chim.

Chawnhbarh a rang mi COVID-19 hrik Delta a karh i Myanmar tel in ram 174 a phan cang _ COVID-19 zawtnak thar aa thlengmi Delta cu pehzul in chawnhbarhnak a chuak i Myanmar ram tel in vawlei cung ram 174 ah a phan cang tiah WHO nih a thanh. COVID-19 zawtnak thar aa thleng mi Alpha hi Myanmar ram tel in ram 194, Beta timi hi Myanmar ram tel in ram 141 le Gamma timi hi ram 92 chung ah an phan cang i Delta timi zawtnak hrik hi Myanmar ram tel in ram 174 ah a phan ve cang.

Atu Delta tel in Veriant of Concern chung ah aa tel i i ralrin awk taktak a si mi zawtnak hrik thar phun li a um. Hi phun li hna hi chawnhbarh a rang taktak mi an si i cu hna cu a cunglei kan langhter mi Alpha, Beta, Gamma le Delta hna an si. Myanmar ram chung ahhin zawtnak hrik thar chawnhbarh a rang mi a phun li ning tein hmuh a si i Veriant of Concern (VOC) phun thum a simi Alpha, Beta, Delta pin ah VOC i phunkhat a si mi Kappa, dihlak phun 4 hmuh a si tiah Ngandamnak Zung nih a thanh.

WHO nih a thanh mi chung ah VOC chung ah aa telmi Alpha le Delta hi i chawnhbarh a tam lainak kong, zawtnak in a thimi an tam lainak kong le COVID-19 raikham sii i chunh zong ah zaa ah zaa rian a tuan khawh lai lo nak kong aa tel. Vawleicung ah tih a nungmi le thinphan awk a si mi zawtnak hrik a si tiah WHO nih a pom mi hi British ram in a chuak mi B.1.1.7 Alpha, South Africa in a chuak mi B.1.351 Beta, Brazil ram in a chuak mi P.1 Gamma, phun hnih a ummi India ram in aa semmi B.1.617 chung in phunkhat a si mi B.1.617.2 Delta le a dang phun khat a si mi B. 1.617.1 Keppa hna hi an si. TheHakha

No description available.

Nizaan September 8 zinglei ah Indonesia khualipi Jakarta pawng thonginn pakhat cu mei nih a kangh ruangah mi 41 nak tlawmlo an thi i, mi 80 an i hliam. Mei kang hi an ram suimilam in zing 1 le 2 kar hrawngah Tangerang thonginn Block C in a chuak mi a si i, mei a kanghnak kongah fiang tein theih khawh a si lo. A hlathlaitu meithat riantuan hna nihcun electric wiring a fel lo ruangah a si lai tiah an zumh. Tangerang Prison Block hi rithai sii a tawng mi hna chiahnak a si i, mi 122 um khawhnak a si nain, mei a kangh lio ah minunh zeizat ciah dah an um ti theih khawh a si lo.

Thonginn a kangh ruangah a thi mi 41 lak ah lainawn le ralhrang cawlcanghnak ruangah tlaih mi south Africa mi 1 le Portugal mi 1 an i tel ve. An nunnak a liam mi hna kan tuar pi hna, hma a pu mi vialte tha tein kan zohkhen hna lai tiah Indonesia Law and human rights minister Yasona Laoly nih a chim. Hi thonginn hi thongtla 900 hrawng tlum dingin timhtuahmi a si nain, minung 2000 leng an um tiah cozah data ningin theih a si i,

Thongtla hna an i tittet tuk mi hi caan sau piin an buaipi cang mi a si. Indonesia nih a ramchungah thongtla 132,107 lawng chiah khawhnak thonginn a ngeih nain tukum July tiangah thongtla 268,610 an um tiah theih a si. Human rights activitist hna zong nih thongtla hna dirhmun ruah in cozah nih a tlum dingin a tuak mi zat lawng chiah dingin an nawl peng mi a si tiah theih a si. Ref;

Be the first to comment

Leave a Reply

Your email address will not be published.


*