CNA le CDF nih Thantlang khuami zaam kan fial hna lo, anmah duhthim in an zaam tiah chim , September 20| Kahdohnak aa peh i a fah chin lengmang ruang ah Thantlang khuami dihlak deng cu nihin ah khua chuahtak dih dawh an si i hi kong ah CNA le CDF nih zaam kan fial hna lo, anmah duhthimnak a si ko, tiah min langhter lo mi sin in kan theih.
“Thantlang ah hin khuami nih bochan mi Khuanu Khuapa in Pu Lawm Bik le Pu Ram Khar tepawl zaam an i timh caah midang zong zaam ve a hau tiin an i tinmhtuah hi a si. Zaam hrimhrim ding in nawlpeknak a um lo,” tiah min langhter lo mi pakhat nih The Hakha Times ah a chim. Hi kong ah Pu Lawm Bik zong nih, “Nihin September 20 thok cun Thantlang cu kan chuahtak dih ko cang lai e.
A damlo mi tarnu tarpa kan vun fimtawl khawh in Pu Ram Khar techung he kan zaam ve cang hna lai. Thantlang khua mei nih a kangh lo nakding thla rak cam cio ko u,” tiah a facebook cahmai ah a tial. Thantlang khuami hi September 19 tiang ah a zaamlo mi hi cheunga ah cheukhat hrawng lawng an taang cang i cu hna zong cu September 20 hin cun zaam dih dawh an si, tiah kan theih. The Hakha Times
“Nihin September 20 ni thok cun ThanTlang cu kan chuah tak dih ko cang lai e.” Thantlang kan pa pakhat catialmi rel cun ngaih a chia kho tuk. A chimmi cu “Nihin September 20 ni thok cun ThanTlang cu kan chuah tak dih ko cang lai e. A damlomi Tarnu Tarpa kan van fimtawl khawh in PuRamkhar te chung he kan zam ve cang hna lai.
ThanTlangkhua mei nih a kangh lonak ding tu Thla rak cam cio ko u.” Pu Lawm Bik Kan duh zong duh lo zong ah a caan a phanh cun kan chuah kehnak khua cu zam taak a hau ko. Him kan duh fawm cu ta..Mah belte kan zumhnak le ruahchannak dong hlah seh. Thah dih le cihmih dih an rak timhmi hna miphun hmete Israel cu kum saupi midang sal an si nak in Pathian nih a chuah hna i nihin ah cun Vawleicung ram thawng bik lak ah an i tel.
Middle East ram 10 leng i bawm in an doh peng nain an tei kho lo. Laimi zong atu ah ralzam bantuk in miram dang ah um ko hmanh u sih. Pathian miphun kan sinak a tlau lo. Nikhat khat ah cun Vawlei pi a tlai i a uk khotu zong kan si ve te ko lai. Nihin kan tonmi thil kong ah kan zumhnak der hlah seh. Kan lung dong hin hlah seh. Kan tha zong der fawn hlah seh. Teinak timi cu temhtuarnak um loin hmuh khawhmi si lo. “Harnak lak ah luatnak lam a um zungzal.”
Leave a Reply