Thantlang Inkang Cu PDF Nih An Kanghi Si Tiah An Thanh

PDF nih Thantlang Inn pawl an Khangh tiah SAC Ralhrang nih Sualpuh – Thantlang khua inn a kaangmi pawl cu PDF nih an khangh hramhrammi a si, tiah SAC chimnak nawlngei Maj. Gen. Zaw Min Tun nih lih in a chim hoi. “Zinglei sml. 11:30 hrawng ah runvennak a tuahmi ralkap le palik pawl cu PDF nih bomb pathum in an puah hnawh hna i meithal zong in an kah hna. Kanmah ralkap lei nih an lehrul tik hna ah inn 4 an duah ta i an zaam,” tiah a chim. Burmese

Chin ramkulh, Thantlang khua cu ralhrang phu nih meikhangh in an hrawh hnu ah USDP party in biachimnak nawlngeitu Nan Mya Mya Mimi Zaw, ralhrang in tat-kyat-gyi Phoe Si, ralhrang lei dirmi Han Ngein Oo hna nih an social media ah teinak kanhmuh tiah an langhter, ralhrang phu hna nih khuadang zong hrawh a si rih lai tiah hrocernak le tlerhkhonh nak ca an langhter tiah theih a si.

Thantlang khuachung dihlak ngawt in meikhangh piak le hrawh an ton bantukin, khuadang zongah Thantlang bantuk hrawhpiak dingmi khua a um than lai tiah USDP party biachimnak nawlngeitu Daw Nan Mya Mya Mimi Zaw nih a social media ah a langhter. “Thil a can hnu ah nan mitthli hrual hlah uh, kan thawng tiah nan i uarthlainak rak i zoh rih uh Thantlang” tiah Daw Nan Mya Mya Mimi Zaw nih a langhter.

Cun ralhrang phu tanhtu tat-kyat-gyi Phoe Si nih ralhrang phu hna Thantlang khuachung mei an khanghnak cu lungtlin in khuate lei zong an hram chah chap ding tiah telegram ah tlerhkhonhnak ca a tial. “Minung pakhat a thih ah cun let 10 in la than uh, khualuhnak bomb an hmanh ahcun cu khua cu an hram in chat uh” tiah a tial. Cun “Sakhan ah lutin an hrawh lio ah a tu bantuk bia an chim lo,

Inn 3 hrawng meikhangh piak an ton ah, an pa ei theih ding in an au” tiah ralhrang riantuannak a tanhtu tat-kyat-gyi Phoe Si nih a tial. Cun ralhrang tanhtu Han Ngein Oo nih Thantlang khuachung ralhrang nih mei an khanghmi cung ah i lawm ko uh tiah a tial. Thantlang khuachung ah ralhrang phu hna nih hriamngan in an kah caah inn 163 le Biakinn 2 cu dapcaam ah a cang dih tiah theih a si. Source: Khit Thit Media

Hika Videohttps://www.facebook.com/watch/?v=843056739708572