Thantar Rang Thlai Kong Ah Peletwa Mi U Tin Thun Aung Khumthum Thongtla Ding In Biaceih A Si.

Chin ramkulh, Paletwa ah Health Department rianṭuantu U Tin Thun Aung (ဉီးတင်ထွန်းအောင်) cu SAC ralkap sakhan ah  thantar rang aa thlai mi kong i interview ah, a bialehnak he pehtlai in April 5 ah Paletwa peng biaceihzung nih rianhrang ṭuan buin kumthum thong tla ding in bia an khiah.

Paletwa ah umhmun khuar mi No. 289 batallion sakhan ah thantar rang aa thlai mi hmuh a si, ti mi kong Rakhine dirh mi Western News nih an hal mi cu a luancia December 28, 2021 ah khan U Tin Thun Aung nih a rak leh hna.

Cu interview an tuah lio i bia a leh mi hna kong he pehtlai in U Tin Thun Aung le Paletwa khua mi U Tin U(ဉီးတင်ဉီး)  cu December 28, 2021 ah palik nih an kawl hna i, zanlei sang ah Paletwa khuapi chung ah an rak tlaih hna, tiah theih a si.

Tlaih an si hnu nikhat ah U Tin U cu thlah ṭhan a si i, U Tin Thun Aung tu cu phungrelnak 505(a) in SAC ralkap bawi pakhat nih taza a cuai. April 5, 2022 ah a kong ceih a si i kumthum thong tla ding in biakhiahnak tuahpiak a si, tiah theih a si. Cred : The Chin Post

Be the first to comment

Leave a Reply

Your email address will not be published.


*