Thailand ram ah Delta ci a thleng mi virus runvennak caah runvennak sii phunhnih fonh in chunh a si lai tiah Thailand tuanvo ngeitu hna nih August 17 ni ah an thanh i a khat lo mi runvennak sii cu fonh i chunh dingah thawngthanh tu ram a si.
Ramchung ah sermi AstraZeneca runvennak sii cu hmanbik ding ah tuan deuh cu kan ruah nain cozah nih i runvennak sii ser khawhnak cu kan duh ningzat in a chuah khawh lo caah mipi hna cu a raan khawh chung in runvennak sii chunh cio khawhnak caah Sinovac runvennak sii cu Thailand cozah nih kan hman.
Runven sii chunhnak ah Sinovac runvennak sii nuai 12 cu kan cawk than lai tiah Thailand cozah cunglei tuanvo ngeitu pakhat nih a chim.
Sinovac runvennak sii cu a voikhatnak ah chunh a si lai i a voihnihnak runvennak sii ah AstraZeneca runvennak sii cu hman a si lai i hi ti fonh in hmannak lam hi Delta ci thlen mi virus a kham khawh tiah Thailand tuanvo ngei hna nih an chim.
The Chin Post
Leave a Reply