Thailand Prime Minister Cu Zuamcawhtu Party Nih Fimthiamnak Ngeilo Nawlngeihnak Hruh Pitu Tiah Ti

Zuamcawhtu party hna nih Thailand Prime Minister telh in a kuttang minister 10 hna cu kan duh hna lo tiah an report.

Nawlngeihnak latu ralbawi hlun Prime Minister Prayut cu rampi hruaitu dingah aa tlak lo tiin an langhter i, nawlngeihnak hruhpitu a si tiah Lower House ah report-nak ca an pekmi ahcun an langhter.

Cu report-nak catlap cu a ra lai dingmi ni 5 chungah biatak tein zohfelnak an tuah lai i, tutan zohfelnak nih hin hmaikum thimnak ca zongah hmual a ngei ngai lai tiah zuamcawhtu party nih an chim.

Asinain nawlngeihnak latu hna chungin Lower House ah tuanvo ngeitu an tam deuh caah report-nak ca kong he pehtlaiin fehter ding ahcun a har ngai lai. Lower House palai 477 an um i, cu chungin zuamcawhtu palai cu 208 lawng an um.

Ralbawi hlun Prime Minister Prayut hruaimi Thai cozah cu thimnak a phàk hlan piin zuamcawhtu party he i remlonak le dohkalhnak a chuah pinah buainak dangdang zong an tong.

A liamcia thla chung ah khan BangKok khuapi ah an tuahmi Mayoral thimnak ah ramchung mipi dihlak nih vote an thlak ning hi zohchuntlak taktak a si tiah an ruah i, cu thimnak ahcun Kum 2014 lio nawlngeihnak latu Prime Mimister hlun nih teinak a rak hmuh i, Prime Mimister Prayut nih ralkap lutlaibik tuanvo a tlaih lio ah rian a rak khinhmipa Mayoral tu cu a sungh diam.

Be the first to comment

Leave a Reply

Your email address will not be published.


*