Kayin ramkulh ah hmunhma lonh in cawlcanghnak a tuahtu ralhrang phu nih hriamngan kahnak ruangah Thai ram chung ah ralhrang hriamngan a tlathan. A tu hnu ah a tlakthan a si ah cun lehrulhcham in kan kah ve lai tiah Thai ralkap, Thai-Myanmar ramri zohkhenhtu center nih phungning ten ralrin peknak cathanh a chuah.
Thai ram ralkap hna nih ramri zohkhenhnak cu thatuk in an tuah, Thai ram nih cathanh a chuahmi nawl zulhlo le Thai ram Mizapi hna thutdirnak le nunnak a hnorsuan a si ah cun lehrulhcham ding in timhcia an si nak kong, nizaan Thai ramri ah a tla mi ralhrang hriamngan kuan tlaknak kong he pehtlai in Myanmar ram SAC phu cung an lung tlinlonak le ralring ten an umnak ding ah an nawl hna.
Cu ruangah Thai ram ah hriamngan kuan a tlakthan a si ah cun lehrulhcham in kah nan si colh lai tiah phungningten ca a kuat tiah theih a si. Nizaan Thai ram lei ah a tlami ralhrang kuan ruang ah Thai Mizapi hna nunnak le umthut dirnak ah hnorsuannak a umlo tiah Thai ram nawlngeitu hna nih an cathanh chungah cun an langhter. Khit Thit Media, The Chin Post
Nizan December 16, ah khan Philippines thlanglei ah Typhoon thlichia a hrang i, minung thong leng nih an inn le lo an chuahtak. Typhoon thlichia nih hin ruahti tamtuk a kenchih caah ruahti tam deuhnak hmun ah cun ti a lian. Thlichia “typhoon rai” tiah min an sak mi hi tukum chung philipines ram i thlichia hrang voi 15-nak a si i, hi typhoon rai hi vawleicung i thlichia hrang lak ah a faak cem mi pakhat a si, tiah an chim.
Thlichia le ruahti ruangah philipines ram thlanglei le hmun cheukhat ahcun minung chawhleh an kham rih i, vanlawng le tilawng leng ah motor in khual tlawn aa tim mi zeimawzat an taang lio. Philippines ram hi vawleicung ah thlichia typhoon a tuar bikmi pakhat an si i, tukum October thla thlichia Typhoon Kompasy a hran lio ah khan mi 11 an rak thi.
Leave a Reply