Thailand A Phan Mi Myanmar Ralzaam Hna Caah Thawngpang Ttha Tuk!

Thai Ram Tak Pengchung A Phan Mi Myanmar Ralzaam Hna Caah Thai Cozah Le UNHCR Tonnak An Ngei
May be an image of 9 people, indoor and text that says "จงหวัดตาก T"
Thailand ram, Tak peng chung aphan mi Myanmar ralzam pawl caah Tak pengchung tuanvo ngei tu pawl le UNHCR  in tuanvo ngeitu hna cu March thla ni 31 ah ton biaruahnak an ngei theih thawng kan theih. Thailand-Myanmar ramri Tak pengchung a phang mi Myanmar ralzaam i dornak pathum ah Myanmar rammi ralzaam pawl caah Tak pengchung vuanci le tuanvo ngei tu hna le UNHCR in tuanvo ngei tiu hna cu Myanmar ralzaam hna caah biatak tein ton biaruah nak an ngei tiah theih a si. Thai ram a phan mi Myanmar ralzaam han cu biatk tein tuanvo lak dingin timhlamh nak an ngei ti zongin theih a si.
May be an image of 9 people, indoor and text that says "จงหวัดตาก T"
Mah ton biaruahnak ah Tak pengchungah a phan mi Myanmar ralzaam a tam bik hi Kayin miphun an si i 1975 lio in a rak cang mi le a tu ah a cang mi kahdohnak ruangah Myanmar ram in a rak ra mi ralzaam pawl hi miluu a ting leng an si cang nak kong cu Thailand miphun in tuanvo ngeitu upa pakhat nih a chim.
May be an image of 9 people, indoor and text that says "จงหวัดตาก T"
” Kum 1975 thawk in Thailand ramah a rak i dormi Myanmar miphun hi Thairam tampi an um cang.  A tu Thailand ah an i dornak hi kum 40 renglo a rau cang” ti zongin a chim chap.  Cu bantuk in cun Thai ram i tuanvo ngeitu hna he fonhin Tak pengchungah a phan mi Myanmar ralzaam pawl hna caah,
May be an image of 1 person and text
An herh mi ti le rawl, Ei le din, minung zawnruahnak bomhchanhtu phu UNHCR in bomhnak pek dingin, mah ton biaruahnak kongkau ah cun a bikin ceihhmainak an ngei tiah theih a si. (Myanmar ralzaam pawl caah bomhnak pek dingin  ceihhmainak an ngei tiah theih a si). A tu ah Kayin ram chungah acang mi kahdohnak ruangah ralzaam an karh chinchin tiah theih a si.
May be an image of 1 person and indoor

Hakha Peng Kahdohnak Ah SAC Ralhrang Ruak Tam Taktak Anmah Ralhrang Lila Nih An Khangh Hna, Hakha-Gangaw Lam ah a Thimi SAC Ralhrang Ruak pawl Lamkam ah a Khangh Hna, Hakha-Gangaw lam SAC ralhrang le CDF, CNA karlak kahdohnak ah a thimi SAC ralhrang ruak pawl cu an hawile nih lamkam ah an khangh hna i, cuticun an kaltak hna. Atutan video ah a langmi SAC ralhrang ruhro pawl hi ralhrang a tlawm bik minung 5 i an ruak an si lai, tiah an zuamh.

Ukraine Nih An I Tuar Ve Ti Lo I Russia A Va Phomh Ve Cg Hih, Ukraine nih an i tuar ve ti lo i Russia ram chung i Russia ralkap pawl hman dingmi zinan (fuel) chiahnak Belgorod khuapi cu helicopter pa 2 bak in kang viar in an va phom ve ko hna hi! Crd- Chelsea Bawi. Note: Mah a link hi www.facebook.com314/videos/ hmeh piak law Ukraine nih Russia ralkap pawl hman dingmi zinan (fuel) chiahnak Belgorod khuapi cu helicopter pa 2 bak in kang viar in an va phom ve nak video zoh duh mi hna nih na zoh khawh lai.

Rel chap: Tanghra exam nikhatnak March 31, 2022 ah Chinram chung in exam ding ah min cazin a pe mi 2960 chung ah 700 leng an bau, tiah SAC Kuttang State Education Department cazin in theih a si. Exam ding ah min a pe mi 2960 lak ah 2259 (76%) lawng exam an ngei i, Hakha, Thantlang, Mindat le Kanpalet peng in tanghra exam mi pakhat hmanh an um lo.

Chin ramkulh, Pengkulh kip in tanghra exam ding min pek zat le a exam lo mi zat hna cu, Falam peng in min pemi 309 an si i 169 lawng an exam. Tedim peng in 286 chung ah 156 an exam, Matupi peng min pemi 116 ah exam mi 85, Cikha ah min pei mi 212 chung ah 176 an exam. Tonzang peng ah 226 chung ah 124 an exam i Paletwa peng ah min pe mi 1811 an si i 1553 an exam, tiah cazin ning in theih a si. Tukum tanghra exam cu March 31 in April 9 tiang a si lai. Crd- the chin post

Thawng dang: Sagaing ramtthen, Shwebo pengkomh, KhinOo peng nizaan March 30 ah khuami mino hna le PDF hna cu SAC ralkap nih hriamngan in an kah hna caah PDF 3 an nunnak a liam tiah KhinOo PDF nih an chim. KhinOo pengchung Shalwin khua le Kalakuu khua cu SAC ralkap nih nizaan ah hriamngan in an kah hna leng ah khuachung mipi umnak inn hna cu a voi hnihnak an khanghpiak than hna.

Khuachung inn kang mi hmih ding ah a kalmi khuachung mino pawl le PDF ralkap hna cu SAC ralkap nih an kah hna caah PDF 3 an nunnak a liam i hliam tuar zonh an um tiah theih a si. SAC nih nawlngeihnak an lak hnu ah KhinOo peng ah SAC ralkap kut in nunnak liammi mizapi le PDF dihlak minung 114 an si i, hliamhtuar mi minung 84 an si cang. Crd- the chin post

US Nih Ukraine Sin Ah Bawmhnak US $ 500 Million Bawmhnak A Pek Rih Lai, President Biden nih cun tuzarh cawnnithum ni ah khan Ukraine Presiden Zelensky sin ah ‘Direct Budgetary aid’ in bawmhnak US $ 500 million a pek rih lai, tiah a chim ti in White House nih a thanh. White House nih cun ram pahnih hruaitu hna hi suimilam pakhat hrawng an i chawnh hnu ah President Biden nih cun Ukraine bawmhnak ah US $ 500 million hrawng bawmhnak a pek lai kong a chim, tiah a thanh.

“Ram pahnih hruaitu hna nih cun Ukraine nih US sinah security bawmhnak a halmi tlamtlinhter kong hna, ralhriam bawmchanhnak a pek cang mi nih zei tluk in dah hmual a ngeih ti hna leng ah US le a ṭanrualpi ram hna nih Ukraine bawmhnak ah thazaang an thawh ve khawhnak ding lam hna an i ceih,” tiah White House nih cun an langhter. Ukraine president Zelensky zong nih amah twitter account ah President Biden he an i chawnhbiak kong a taar ve i, “Ukraine ramchung raltuknak kongkau kan i ceihhmai i, ramchung runvennak kong zong kan ceihhmai leng ah phihkharnak le phaisa le bawmhnak kong hna zong kan ceih,” tiah a ṭial.

Tantaung Ah SAC Ralkap Motor Ruun Hmun 2 Ah Bomb Puah Hnawh An Tong I 3 An Thi, KNU bridage 2 hmunhma Tantaung(သံတောင်) peng ah March 31 zinglei ah SAC ralkap motor run cu hmun 2 ah bomb puah hnawh an tong i SAC ralkap 3 an thi i 3 hliam an tuar tiah theih a si. Nizaan zing Sml 7:30 ah Tantawng(သံတောင်) in Taungoo(တောင်ငူ) lei ah a kal mi SAC motor pakhat cu Taungngo PDF nih bomb an puah hnawh i ralkap 1 hliam a tuar, Cu hliamtuar mi ralkap cu Taungoo siizung ah an kal pi tiah tualchung thawngzamhnak sin in theih a si.

Cun zing Sml 11 hrawng ah Tantaung in Tantaunggyi lei ah a kal mi SAC ralkap motor 17 aa zul mi cu KNLA he ttangtti simi ”Ghost Ranger UG” nih bomb(mine) an phuah hnawh hna i SAC ralkap 3 an thi i 2 hliam an tuar tiah theih a si. Bomb lung 5 in puah an i tim ko nain cycle in mizapi aa chawk let mi an tam caah a hnu bik motor lawng an puah hnawh tiah theih a si.

Cu SAC ralkap motor 17 cu Tantaunggyi Bayinnaung(ဘုရင့်နောင်) camp ah a kal ding mi an si i bomb(mine) puah hnawh an ton caah a rawk mi motor pakhat le a dang ralkap motor 6 cu Tantaung lam ah ummi SAC ralkap sakhan ah an i din tiah theih a si.

Mandalay Ah Mi Pakhat A Mah A Dawr Lila Hmai Ah Meithal In An Kah Thah, Mandalay khuapi, Chain Aye Tazar peng, Aung Nan sang a um mi U Win Naing cu March thla ni 31, Suimilam 6:00 hrawngah a mah a dawr lila hmaiah meithal in an kah thah tiah Security he aa neihniam mi pakhat sinin thawng kan theih.

U Win Naing Kum (50) hrawng a si mi cu a mah a dawr a si mi nawn zuar nak ah mi theih lo mi minung pahnih cu cycle in an rak phan i meithal in an kahthah hnuah an kir tthan tiah theih a si.

Mandalay Thongtla Pawl Cu Ek-Inn Ti Bak Din Ti Ah An Din Ei Ter Hna, Mandalay, Oo-Boe thonginn chungah thonginn bawi pawl nih politics lei kongah thong thlak a tongmi pawl cu din awk ti an peknak hna Seh a rawk tiah an hlen hna ii Ek-inn titu kha an din eiter hna, tiah thong a tlami an chungkhat pawl sinin theih a si.

Oo-Boe thonginn chung ahcun Kheng ttawl kan duh tik zongah Ek-inn tiin kholh ttawl a hau. Ek-Inn tii a um lo caan a um caah pawng kal loin kan um caan zong a um. Tii kholh duh zongah minute pakhat chung lawng a ngah. Hiti ti thiang kan ngah lo ruangah kan tak pum ah hma lawng tein a khat. Khua caan a linh caah a har chinchin, tiah thongtla pawl sinin theih a si.

Myitkyina Khuapi Chungah Chiah Mi CCTV Cheukhat Bomb In An Hrawh, Kachin ram, Myitkyina khuapi ah Security caah tiin chiah in CCTV cheukhat pawl cu March thla ni 31, zaan lei ah bomb in an hrawh tiah khuami sinin thawng kan theih. Myitkhyina Bala hlei pawngah an chiah mi CCTV pahnih cu Zaan lei suimilam 9:00 hrawngah bomb in an hrawh hi a si.

May be an image of outdoors and tree

” Bomb puah thawng kan theih i Bomb puah thawng hi suimilam a cheu chung hrawng kan theih lo hnuah kan va dothlat tikah CCTV an hrawh mi a si tiin kan theih” ti in khuami pakhat nih a chim. Bomb puah ruangah hliam tuar le thgilri dang sungh mi cu a um lo tiin khuami pakhat nih a chim chap.

May be an image of outdoors and tree

Mandalay Ah Mi Pakhat A Mah A Dawr Lila Hmai Ah Meithal In An Kah Thah, Mandalay khuapi, Chain Aye Tazar peng, Aung Nan sang a um mi U Win Naing cu March thla ni 31, Suimilam 6:00 hrawngah a mah a dawr lila hmaiah meithal in an kah thah tiah Security he aa neihniam mi pakhat sinin thawng kan theih.

U Win Naing Kum (50) hrawng a si mi cu a mah a dawr a si mi nawn zuar nak ah mi theih lo mi minung pahnih cu cycle in an rak phan i meithal in an kahthah hnuah an kir tthan tiah theih a si.

Myitkyina Khuapi Chungah Chiah Mi CCTV Cheukhat Bomb In An Hrawh, Kachin ram, Myitkyina khuapi ah Security caah tiin chiah in CCTV cheukhat pawl cu March thla ni 31, zaan lei ah bomb in an hrawh tiah khuami sinin thawng kan theih. Myitkhyina Bala hlei pawngah an chiah mi CCTV pahnih cu Zaan lei suimilam 9:00 hrawngah bomb in an hrawh hi a si.

May be an image of outdoors and tree

” Bomb puah thawng kan theih i Bomb puah thawng hi suimilam a cheu chung hrawng kan theih lo hnuah kan va dothlat tikah CCTV an hrawh mi a si tiin kan theih” ti in khuami pakhat nih a chim. Bomb puah ruangah hliam tuar le thgilri dang sungh mi cu a um lo tiin khuami pakhat nih a chim chap.

May be an image of outdoors and tree

Be the first to comment

Leave a Reply

Your email address will not be published.


*