SAC ralhrang tang sianginn kong le ralhrang Tender kongah khuaci kan mui te kho tiah ka ruah. A bik in Tender kongah mu. 1.Sianginn kai cu i kham ko rih sehlaw Tender tucu ttuan si ko seh na ti dah? 2.Tender hi kham sisehlaw sianginn tucu kai siko seh. 3.Sianginn he Tender he tiah a pahnih in kham si ko seh na ti dah? A cunglei biahal pathum chungah na hmuh le ruah ning hun chim ve. Crd-Salai Williams Hlawnceu
Comments rakrel-Tender he Sianginn he kham lo tein ttuan le kai attha ko lai kati, Aruang( Ngakchia anrawk tuk cang lai! Cun Ei ledin loin minung umkhawh asi lo, Ralhrang hi foile baiin kantei kho bal lai lo,.Mah pahnih kantuah ruangah teinak le teilo aasan lo, tei khoding kansi ahcun kanteitthiam kolai i Sianginn le Tender long sihlah azeipoh tlaih dih siko lai,teitu izuam ding asi ko.thluak hman pah ahau. Ralkap atuhi thongkul hmanh athi rihlo tingkhat tal athih lo cun tei ti aum lai kazum lo atuhi tingli hrawng ansi ti asi.
kei ka hmuh ning cun pawcawm nakah rian tuan hi cu i khap ding si lo tiah ka hmuh siangin kai bel hi cu kan saya sayamah te cdm an lak dih ngawt tung i kai hi cu a sual bak ah ka hmuh. Sianginn kai nan ti ah cun, adang CDM a tuah mi hi an hmai nan phak hna lai maw, ka dua le hna.An pahnih in, ralhrang tang veve an si ko.” A bawnbawk le- A mantaat” khi an si ko. Zingka thaithawh meh ah “Haangbo tung ah- zanriah meh ah,Haangbo phei ah” Bantuk khi an si ko.
1.Sianginn kai tikah, rallokap sinah paisa pek le hnahnawh nak a chuahpi ahcun kai lo a tha deuh. 2 .tender lak ii kan raalkap hna sinah pek dih ding silai. Tender a si pek, Sianginn a si pek, zeidang a si pek, ralhrang he aa pehtlai mi poahpoah doh ding. ai kham khawh ah cun atha bik ko.. amah bel te siang in kai cu private siang in tu i on seh law mah ah cun i kai seh law tha bik ko.
Siang inn cu Public Administration ,Hakha, Education Department nih Khuate lei ah mipi Sianginn an on ko caah Ralhrang Sianginn i an Kai ah cun Ralhrang sin i an i surrender a si lai . Tender Kong zong ah hin tuanlo a hau ko zei catiah cun cozah riantuan hmanh nih an pawvawmnak chuahtaak in CDM pei an tuah ko hna hi.. Sianginn kai or render an onh ah cun CDM vialte zong an i surrender hna lai.
Kham ah cun kham lawlaw on ah cun on lawlaw rawl lo in siang in kai thai khawh si lo Phaisa lo in raldoh khawh si lo midang bomhchawm in sau nun khawh si lo …adangdang phih kham pah ah hin ralkap zung kal zawng hi phih kham pah ah thahnga dek maw.Tuan chom ei chom kan ca ah cun rian tuan awk um ti lo ei din man nih le kai chin leng mang zei tin dah kan nun lai 1 rian tuan awk um ah cun kan i rel deuh hna lo ma.
Relchih, Shan ramkulh thlanglei um SAC ralkap sakhan pahnih lakpiak an tong, SAC ralkap 20 an thi, Shan ramkulh thlanglei Naungtaung(နောင်ထောဝ်) hmun ah a um mi SAC ralkap sakhan pahnih cu tualchung hriamtlai phufonh battalion 5 nih kahdohnak an tuah hna hnuah an sakhan ningin an lak khawh tiah theih a si.
SAC ralkap captain telhin ralkap 20 nak tlawmlo an thi tiah PNDF nih nihin September 13 ah cathanh an chuah. Sisai peng, Naungtaung(နောင်ထောဝ်)hmun ah a um mi SAC ralkap sakhan 2 cu nizaan September 12 zinglei suimilam 6:45 ah mipi hriamtlai phu hna nih an luhhnawh hna i kahdohnak an tuah hi a si.
SAC ralkap sakhan lak dingin kahdohnak an tuahnak ah hin tualchung hriamtlai battalion 4 le PNDF nih rallam hmunli in an sial, cu hnuah hmunkhat te ah kahdohnak an tuah i SAC ralkap lei minung 20 nak tlawmlo an thih hi a si tiah an langhter. Naungtaung(နောင်ထောဝ်)hmun um mi SAC ralkap hruaitu ralbawi pakhat cu sniper kahnak in a thi, cu lawng siloin sniper kahnak in SAC ralkap minung 6 an thi tiah theih a si.
SAC ralkap sakhan pahnih cu kahdoh in tualchung hriamtlai phu nih an lak khawh ko nain, hriamnam thazaang a tlawm ruangah le, hriamngan thazaang i zatlo ruang ah le SAC ralkap nih hriamng an hman hleiah vanlei in kahdohnak voi 6 tiang an tuah i bomb an thlak hnawh hna caah tualchung hriamtlai phu lei hnu an tolh tiah theih a si.
Thaizawl Ralzam Camp Ah Siangngakchia Caminpuai An Tuah!, Mizoram ramkulh, Lunglei district Thaizawl ralzam camp ah a ummi Chin ralzam siangngakchia hna cu kumcheu caminpuai tuahnak an ngei tiah, theih a si. Thaizawl ralzam camp ah a ummi ngakchia hna cu khua chungah sianginn kai awk a that lo caah Mother of Chin Relief Committee (MCRC) nih cachimtu sayamah pahnih an hlan piak hna i camp biakinn chungah ca cawnnak an tuah.
Thaizawl ralzam camp ah a ummi hna hi Matupi peng a zammi an si i minung 400 renglo an si, sianginn kaimi siangngakchia hi minung 100 reng an um tiah, theih a si. Thaizawl ralzam camp bantukin Mizoram pumpi ah ralzam camp tampi a um ve i a cheukhat hmun ahcun camp ah sianginn kai loin Mizoram cozah sianginn ah an kai tiah theih a si.
Kalaymyo P Chungah Chin Mi Pa 2 An Tlau Sagaing ramṭhen, Kalaymyo Tahan pawng Dowaichaung(ဒိုးဝိုင်းချောင်း) khua ummi pa pahnih cu September 9 ah cycle he leeng an chuak i nihin September 14 tiang ah inn an hlam rihlo i an tlau tiah theih a si. A tlaumi pa pahnih hna cu U Thang Suam Kham (kum 41) le Cin Biak Sang(kum 26) hna an si.
“Kan leng ta lai an ti i cycle pakhat in an chuak, nihin ni tiang inn an hlam rih lo, zei thawngpang kan theihmi zong a um lo. Anmah cu nikhat ṭuan nikhat ei cop in rianṭuan mi an si, anmah hi Zomi mino mibawmhchanhnak rianṭuantu chungtel zong an si, nihin ni tiang an thawngpang hlat peng a si ko rih” tiah a tlaumi pa pahnih hna he naihniam in a ummi pakhat nih a chim.
A tu hrawng hi Kalaymyo peng chungah SAC ralkap hna nih chekhlatnak fakdeuh in an tuah caah, SAC ralkap kut in tlaih an ton bia a si hnga maw tiah tualchung mi hna nih cun an ruah. A luancia September 11 ah Kalaymyo, Kyutungpin(ကြို့သုံးပင်) sang ummi kum 14 tluk a si mi minung 2 le tualchung mi 5 cu SAC ralkap kut in tlaihkhih an tong tiah RFA nih a rak langhter.
KyihMyinTaing (ကြည့်မြင်တိုင်)၊ PaanPinKyi (ပန်းပင်ကြီး) Lam Ah SAC Ralkap Nih Mino 10 Hrawng An Tlaih Hna, Yangon ramṭhen KyihMyinDaing, PannPinKyi lam ah nihin september ni 13 zaanlei sangah SAC ralkap an ra i meithal an puah hnuah aruang um loin mino an tlaih hna tiah tualchungmi hna sin in theih a si. “Zaanlei suimilam 4 hrawngah misawhsawh thilthuam hruk inSAC ralkap pawl cu private mawtaw 3 le taxi 2 in an ra i mino 4 cu an tlaih hna, cun an tuk, an hrem hna hnuah an kalpi hna. Cu hnuah palik mawtaw 2 a rak phan ṭhan” tiah tualchungmi hna nih an chim.
Nihin september ni 13 zaanlei suimilam 4 hrawngah Kyee Myin Daing lampi ah SAC uk duhlonak langhter dingin timhlamhnak an ngeih caah a tuban tukin tlaih an ton hi a si tiah a chim mi zong an um tiah theih a si. Tlaih a tongmi dihlak mino dihlak hi minung 10 leng an si lai tiah tualchungmi hna nih cun an chim.
Ayardaw peng ah SAC ralkap nih thlakhat chungah inn 180 an khangh leng ah tualchung mi 5 an thah hna, Sagaing ramṭhen, Monywa pengkomh Ayardaw pengah thlakhat chungah SAC ralkap nih thilsual an tuahmi vialte cu Ayardaw peng zatlang uktu phu nih September 12 ah cathanh an chuah.
Cu an cathanh chuahmi ahcun July 24 in August 23 tiang Ayardaw pengchung khua 7 ah inn 180 cu SAC ralkap nih an kangh tiah an langhter. Cu an khangh mi hna cu: June 24 ah Zipinlay(ဇီးပင်လည်) khua inn khat, August 6 ah Minyua(မင်းရွာ) khua inn 132, August 7 ni ah Kaungtit(ကောင်းသစ်) khua inn 8, August 8 ah Shautkha(ရှောက်ခါး) khua inn 3, August 18 ah Nayyiakhin(နေရာခင်း) khua inn 3, August 19 Nyeinsan(ငြိမ်းစံ) khua ah inn 29 le August 23 ah Kyuaichain(ကျွဲခြံ) khua inn 4 tiin SAC ralkap nih thla khat chung ah inn 180 an khanghpiak hna.
Cupinah SAC ralkap hna nih August 1 in 31 tiang ah Ayardaw pengchung khua 5 in sualnak ngeilo tualchung minung 5 an thah hna tiah an thanhmi ah an langhter chih. SAC ralkap nih hramhram uknak lak hnu Ayardaw pengchung ah inn an khanghmi dihlak hi inn 1,175 a si i, a ruang umlo hramhram in thah a tongmi tualchung mipi minung 17 tiang an si tiah an langhter chih. Ayardaw peng zatlang uktu phu hna nih September thla 11 ah, pengkulh chung um Non CDM hna nih CDM cawlcanghnak tuahding in le cu nawl chuahmi a zul lo mi cu fak piin dantat dingah hmalaknak kan tuah lai tiah ralrin peknak cathanh an chuah.
Muse Mawtaw Lampi Kahdohnak Ah SAC Ralkap Kuttang Pyithusit 3 An Thi!, Shan ramkulh chaklei Muse khua KBZ bank 3 hmai ah nihin september ni 13 chun suimilam 1:30 hrawng ah kahdohnak a chuak tiah, tualchungmi hna sin in theih a si. Cu kahdohnak ah cun KBZ bank hngaktu (security) Pyithusit 3 an thi tiah, theih a si.
“Bank hmai ah Pyithusit minung 3 an thi tualchungmi pakhat zong hliamfak ngai atuar, Zeibantuk Pyithusit an si cu kan thei hna lo, Muse ah hin Pyithusit tampi an um buainak zong an chuahpi lengmang tiah,” tualchungmi pakhat nih a chim. Muse khua ah hin hriamtlaiphu Pyithusit tamngai an um, SAC dirhmi cu an si lo nain SAC he rianṭuan ṭi mi an si, Muse khua cu Shan chaklei ramri ah ummi si i, hriamtlaiphu tamngai umnak a si, SAC kuttang palik pawl zong a tu le tu kahthah an tong tiah, tualchungmi hna nih cun an chim chap.
Loikaw le Demoso Kahdohnak Ah SAC Ralbawi Telh In Minung 4 Nak Tlawmlo An Thi! Loikaw le Demoso kahdohnak ah SAC ralkap lei ralbawi pakhat telh in ralkap 4 nak tlawnlo an thi tiah, KNDF nih nihin September 13 ah cathanh an chuah. Kahdohnak cu nizaan September 12, zinglei suimilam 8:45 hrawng ah an thawk i, Loikaw peng Kayantaya(ကယန်းသာယာ) khua pawng um SAC ralkap hna cu KNDF battalion 2 le battalion 14 phufonh nih an kahdoh hna tiah, theih a si.
Cu kahdohnak ah cun SAC ralkap lei hliamhma tuar an tam tiah, an thanhmi ah cun an langhter.“Cun Demoso peng, Taesulay(သေးဆူးလဲ) khua ah checkhlatnak a tuahtu SAC ralkap hna le tualchung hriamtlai phu kar kahdohnak a chuak ṭhan tiah,” KNDF battalion 5 nih an thanh. SAC ralkap hna cu RPG in kahdoh an ton caah, SAC ralkap 4 hrawng an thi tiah fehternak he KNDF battalion 5 nih an thanh.
kahdohnak chung ah KRU nih hriamngan hmang in an kah bawmh hna tiah theih a si.”SAC ralkap hna nih a bik in tuah an I timhmi hmunhma hiapkhawhnak cu kan kham khawh. Tulio hrawng i kahdohnak ah hriamngan kahnak lei zong in kan si khawh chung in kan bawmh hna tiah,” KRU in ṭuanvo ngeitu nih a chim. Kap hnih kar i kahdohnak ah SAC ralkap lei zong nih hriamngan a tlawmbik voi hnih hrawng kah bawmhnak an tuah, tualchung hriamtlai phufonh lei nih cun chunhnu suimilam 2:00 hrawngah hliamhma tuar umlo tein hnu kan tolh kho ṭhan tiah, an cathanh chuahmi ah cun an langhter. Crd-The Chin Post
Leave a Reply