SAC ralkap he niahniammi Shew Baing Phyu company le M1 Group nih an cawk tharmi Telenor (Myanmar) cu Atom min in pehzulh ah rian hma a kal lai tiah, Telenor Myanmar Limitted in Atom Myanmar Limitted tiin May 30 ah khan kan rak thlenh cang, tiah cathanh an chuahmi ahcun an langhter.
Company thar nih cathanh a chuahmi ning in min thar thlen si hmanh seh law, a riantuannak ah cun amah ning tein pehzulh in a kal lai tiah an langhter.
Myanmar ram chung ah kum 8 chung a dir cangmi Telenor Myanmar cu SAC ralkap he aa naihniammi Shew Baing Phyu company le M1 Group nih US dollar 105 millions in an cawkmi kong he pehtlaiin SAC ralkap kuttang i investment commission nih March 15 ah khan a rak fehter cang.
Norway hrambunh, Telenor company nih cun a rianṭuannak kong ah ṭuanvo laak in, nuhrin covo lei zongah nawl buar lo tein rianṭuan a duh ko nain Myanmar phunghrampi he aa ralkah tuk caah Myanmar hi kan chuahtaknak a si tiah March 18 ah khan cathanh an rak chuah.
Min thar le company thar a hung si cang caah Telenor simcard hmangtu hna i data tibantuk, online cungin chawlehthalnak tibantuk telh in thil dangdang server rianṭuannak data vialte cu SAC ralkap nih fawi tein a zoh khawh cang lai caah a hmangtu le technology lei thiamsang hna cu an thin a phang ngai. Crd : The Chin Post
Leave a Reply