Tedim Mipi Hriamtlai nih chin pa an thah

ZRA Nih Tedim Khuami Pakhat An Thah Nihin December 5, 2021 zinglei suimilam 4:00 hrawng ah Tedim khua ah ZRA ralkap pahnih nih Sakollam veng um, Pu Cin Sian Sum cu meithal in an kahthah tiah theih asi, zeiruang ah an kahthah timi theih asi lo. Ref.PDF Zoland, The Chin Post

Phone chawnh man le Internet man kai aa tim mi Operator pawl cu Area 21 Revolution Network nih ralrinnak a pek hna December 5, 2021 Phone chawnh man le internet hman man nan kaiter a si ahcun Phone Operator pawl cu ralhraang kuttang riantuan an si tiah pom in Tower tung pawl kan hrawh lai tiah,.

AREA 21 Revolution Network nih December 5 ah an thanh. Phone chawnh man le internet hman man kaih a si lai tiah Operator Company nih theihternak an tuah ca ah mizapi mithmai zoh, mizapi ca ruat in tuahtuan ding in le ralhraang fial mi poh nan tuah a si ahcun Mytel tower tung bantuk in kan tuah lai tiah an thanh.

Phone Operator pawl atu bantuk ralrin pek hi AREA 21 Revolution Network kan ca ah a voi khatnak le a donghnak a si tiah an ti. Ralhraang kut tang Pehtlaihnak Zung nawl peknak in Phone chawnh man le internet hman man kan kai lai tiah Telenor,

Ooredoo le MPT company lei in december 3 thawk in a hmangtu mizapi sin ah theihternak an tuah. Wifi internet company pawl zong nih tu thla thawk in a man kan kai lai tiah thawng an kan thanh tiah wifi hmangtu nih an chim. Zeizat tiang aman an kai lai ti mi bal fianghlang in thanhnak cu a um rih lo.Ref. RFA

Be the first to comment

Leave a Reply

Your email address will not be published.


*