Tantwe Ah Tilian Nih Khua A Phum

Tantwe Ah Tilian Nih Khua A Phum Ruah atam caah tilian nih Arakhan ramkulh Tantwe khuapi veng cheukhat le peng chung khuate tampi cu ti nih a chilh tiah theih a si.

Hi kong he pehtlaih in Tantwe khuami pakhat nih nihin July 26 chun hnu ah ruahpi fak tukin a sur ruangah Tantwe khuachung kaakun (အေဝးေျပးကားကြင္း) cu ti nih a chilh cang.Kaakun hmun saang deuh ah a um mi a si. Mah hmun tiang hmanh tii a phanh ahcun a hniam deuh lei chinchin cu chimh awk a um lo” tiah a ti.

Tantwe veng hniam deuh ah a ummi Tamokchong, Gukyikhung khua cu a zual ngai cang i, atu ah khuapi chung dihlak dengmang cu tii a phan cang.

Ti hi Antaw tiva a lianh ruangah a si i, Kaakun i mawtaw hna cu hlei cungah chiah a si i, lampi zong tii nih a phum caah lawng in kal a si.

Tatwe khua hi kum fatin tilian nih phum lengmang mi a si nain atu bantukin tii lian le ti phum hi cu a um bal rih lo tiah Narinjara news nih a tial.

The Chin Post