Tanhsee ah ralhrang phu umnak RPG in kah an tong ralhrang 4 an thi, Monywa palik pakhat PDF nih an thah November 4 Sagaing ramthen Tanhsee peng November 3, ah ralhrang phu hna cu RPG in doh an tong. Cun Monywa zong ah palik pakhat cu meithal kuan nih a hliamh caah a thi.
Tanhsee peng, Innkokka khua cinthlaknak zung ah hmunhma a khuarmi ralhrang phu cu November 3, chunhnu suimilam 1:00 hrawngah Taze People Comrades- TPC nih RPG in an doh hna caah ralhrang phu lei in minung 4 an thi, pakhat nih hliamhma a tuar tiah theih a si.
Cu kahdohnak ah cun TPC le CAF phukomh nih an doh hna, mipi ralkap lei in hliamhma tuar umlo in hnu kan tolh kho tiah TPC lei rianngeitu pakhat nih a chim. Monyua khua Nandawon sangah palik pakhat cu November 3, chunhnu suimilam 2:00 hrawngah meithal kah a ton caah a thi tiah theih a si.
PDF-South Monywa phu in rianngei pakhat nih ” palik pakhat kah a ton nak kong ah kan mah tuahmi a si, meithal in voi hnih kan kah caah cuka hmun ah cun a thi colh, a tak pum ah hriamthil a um theu lai tiah kan kawl na in a um lo, palik sinak card lawng ka hmuh” tiah a chim. DVB
Thawai ah ralhrang phu bomb puahhnawh an tong, ralhrang 5 an thi hliamhma tuar zong an um Taningtari ramthen Thawai peng Maykhandi khua pawngah November 3, zinglei ah ralhrang phu hna cu bomb puahhnawh in doh an tong tiah khuami nih an chim. Ralhrang phu hna cu Yephyupeng Titkado khua in Maykhandi khua lei an kal lioah bomb puahhnawh in doh an ton hi a si.
Bomb puahhnawh in doh an ton caah bomb ralhrang phu lei in minung 5 an thi, 2 nih hliam an tuar tiah khuami nih an chim. Ralhrang phu hna cu khuachung PDF phu nih bomb puahhnawh in an dah hna hnu ah kaphnih kar kahdohnak a chuak tiah theih a si. Bomb puahhnawh in doh a tong mi ralhrang phu hna cu November 2, in Yephyu peng Titkado khua ah umhmun khuarmi an si i ralhrang minung thazaang 100 hrawng an si tiah khuami nih an chim. Than Lwin Times
Leave a Reply