Tangkaa Ruangah Nuva Hna Nih Mi Pakhat An Thah!!

Ko Aung Hti Ha An Thah

Bilin pengkulh, Sathapana  tangka cawinak company ah company riantuan tu pakhat cu tangkaa a pee tu  hnga ding nih  a thah tiah theih a si. Ta Thun khuapi, Leih Inn sangah a um mi Ko Aung Hti Ha cu SATHAPANA Limited Myanmar ah rian a tuan mi a si i, May thla ni 12 ah Bilin pengkulh, Khe Moh khuate ah tangka a cawi mi hna sinah a kal i, hrinhfianhnak a tuah piak hna lio ah thah a tong tiah chungkhar mi pakhat nih a chim.

” May thla ni 12 ah a chuak, a tlau i kan kawl len nain kan hmu lo, May thla ni 13 ah phone an kan call , mi a that tu a si mi a nupi nih Aung Hti Ha cu an thah tiah a ti.” tiin an kan chimh.” tiin a chim. Mi that tu a si mi an nu nih a chimnak ah cun, a ruak cu inn a hnu lei ah a phum i , May thla ni 13 ah a thihnak kong cu ka theih tiah a chim.

Mah mothattu a s si mi nih mah tiin a chim hnuah, Ko Aung Hti Ha thattu nupa hna cu  an pahnih in Ko Aung Hti Ha tangkaa le cycle pawl cu an i laak i, an zaam diam tiah theih a si.

Chin ramkulh, Falam peng le Sagaing ramtthen, Kalay peng chungah March thla le May thla chung ah Chin ralkap 5 an nunnak liam tiah May 12 ah CNDF nih cathanh a chuah.

March 26 ah Salai Ro Thang Zam (Kum 44 )le Salai Lal Pek Thar ( Kum 22) hna cu Falam peng ralram hmun pakhat ah tlaih an tong i April 18 ah an ruak in hmuh an si .

April 11 ah Salai Abednego ( Kum 19 ) le April 13 ah Salai Kap Za Thuan ( Kum 29 ) hna cu Kalay peng ralram hmunkhat ah an nun nak a liam .

Dohthlennak caah nunnak pe mi hna cu CNO / CNDF nih upat nak kan pek hna i tantak mi chungkhar nan ngeihchiat nak kn nin hrawmpi hna tiah an tial.

Magway ramtthen, Myaing pengah nizaan May 13 ah SAC ralkap le tualchung hriamtlai phu kar kahdohnak a chuak tiah tualchung hriamtlai phu lei nih cathanh an chuah. SAC ralkap nih May 12 in Myaing pengchung ah rallam sial in an lut tiah tualchung mi nih an chim. Nizaan May 13, chunhnu in SAC ralkap nih Tanbo khua chak lei ah rallam sial pah in an duhnak hmunpoh an kah caah Yuashi khuami kum 60 tluk nupa hna le kum 30 tlukhrawng si mi an fapa minung 3 an nunnak a liam tiah tualchung mi nih an chim. Cun SAC ralkap hriamngan kahnak ruangah khuachung inn 40 nak tlawmlo a kaang tiah Yuashi khuami pakhat nih BBC ah a chim.