Taluk Ram Tilian Ah Minung 21 An Nunnak A Liam

Taluk Ram Tilian Ah Minung 21 An Nunnak A Liam Taluk ram a lai hrawng Hubei ramkulh SweKyo khuapi ah a tlaawmbik minung 21 an nunnak a liam i minung pali an tlau.

SweKyo khuapi cu SweShan Area Hluh lyin peng ah nithum nizaan in nili ni chun tiang ruah fak piin a sur.

A voikhatnak hlathlainak ahcun ruahfak piin a sur ruangah khuami thongriat leng an i hliam i inn thonghnih le zasarih(2700) leng le dawr khan zahnih le kul le khat (221)a rawk.

Lam 11.3 km(kilometres) hlei 63, mei pek nak tung le phone tung 725 a rawk i peng chung mei le phone line a rawk dih

SweShan area chung cu bawmchaan tu bu nih rian an tuan.Ruah a fahtuk caah mei a rawk, pehtlaih nak a cat, ramkulh chung ah minung ti nih a kalpi mi hna an um caah Taluk ram i Hubey ramkulh cu bawmchantu phu an thlah hna.

A hliam biknak area hna cu Hubey ramkulh um mi Swe Kyo, Shan Yan, Shiang Kaan hna hi an si tiah vuanci zung nih an thanh.

Ramkulh meithat le mibawmtu phu hna cu mah area hna ah bawmtu thiammi phu minung 173 le lawng 13 cu thlah asi tiah a langhter.

August 8,zaan suimilam 10:00pm hrawng ah ruah fak tuk in a sur caah khua mi nuai khat leng an i hliam hna.

Hubey ramkulh nikhua tahnak lei nih nih a chim nak ahcun ninga ni tiang rua fak piin a sur kho i ti ngan nak le a dang vawlei le a chung thil chuak zong ah harnak tam pi chuak kho tiah a chim.

The Chin Post