Taluk-Myanmar Ramri Muse Naantaw Gate Cu Caan Karlak Phih Chung A Si

Taluk-Myanmar Ramri Muse Naantaw Gate Cu Caan Karlak Phih Chung A Si Taluk – Myanmar ramhnih phungning tein chuah luhnak gate Muse Naantaw gate in Myanmar ram luhnak cu nihin August 11 ni thawk in Taluk lei nih caankar lak an phih chung tiah neihniam mi sinin theih a si.

Taluk lei in an phih, Myanmar nih an cohlan.Zeitik tiang i dinh a si lai i zeitik hon than a si lai ti theih a si lo tiah Myanmar lei in thil chawlehthal a tuah mi pakhat sin in theih asi.

Taluk lei nih cun Covid -19 zawtnak ruang ah Lockdown chiahnak hmun hna ah facang,chiti, khohsuai hna cu caan karlak ah bawmhnak an pek hna caah Myanmar ram a kir ding mi hna cu phungning tein luhnak gate Naantaw gate in thil i thlen nawnnak cu caan karlak chung kan i din tiah Swe Myanmar Online ngandam nak lei in Emergency bawm tu Shweli i lutlai Ko Chan May nih a chim.

Taluk lei in bawmhnak an tuah piak ko hna.Nikhat lawng a si lo an hom than lai ni cu thanh than asi te lai.Harnak an tong sual lai tiah bawmhnak an pek ko hna.Zarhkhat ah voikhat ra in kan bawmh hna lai tiah an chim.Inn ngei tu hna zong inn man tehna kong ah ton piak ding in ruahnak an ngei.

Myanmar -Taluk ramri ah Taluk lei ah zawtnak a karh lo nak ding ah fakpi in ralrin ding le Yunan ramkulh ah phungning tein umthut nak a harsa mi le phaisa luhnak le rian ngei lo in a um mi hna cu dantat ding in thawng an thanh hnu ah Muse Naantaw gate in July 16 in chuahnak nawl an pek hna.

July 26 ni ah August 10 ni tiang 16 chung ah Naantaw phungning luh chuah nak gate in Myanmar ram chung ah a lut than mi Mtanmar rammi minung 4654 an si.

Covid -19 zawtnak a karh tuk ruang ah Taluk- Myanmar ramri ah phunhning in luh chuah nak gate zapi cu Taluk lei in ni khiah um lo in khar a si.

The Chin Post