Taluk Henan Ti Lian Ah A Thi mi Let 3 in An Tam

Taluk Henan Ti Lian Ah A Thi mi Let 3 in An Tam Kan hnu June thla chungah Taluk ram Henan province ti lianh ruangah a thi mi cu a let 3 in an tam, minung 12 leng an tlau mi an um tiah theih a si.

Henan province khuapi Zhengzhou ti lianh ruangah minung 202 an nunnak a liam, a tlau mi 47 an um tiah August 1 cozah nawlngeitu hna nih press conference ah an chim.

Milu 12 million khuasak nak Henan province ah kan hnu June thla chungah ni 3 chung ruahpi tamtuk a sur ruangah vawlei tang tlanglawng lam, mawtaw parking le vawlei tang lam vialte cu ti nih a phum dih caah a thi mi le a tlau mi zong an um rih men lai tiah tiah chanhtu phu nih an chim.

Khuacaan a thlen ruangah chiatnak a tlungmi cu tihnung ngai a si.Atu tiang Henan province chung hmun cheukhat ah vawlei a cim kho rih mi a si tiah ralrinnak an thanh.

The Chin Post