September 7 ah NUG nih Kawlram emergency a thanh mi cungah Taluk cozah nih zeihman a si hlei lai lo a ti nain Kawlram i Taluk sehzung cheukhat nih rian dinh an i tim tiah theih a si. Ralhrangbu nih nawlngeihnak a lak hnuah NUG cu April 16 ah dirh a si i, NUG nih September 7 ah rampi huap in emergency cathanh a chuah. Hi kong he pehtlaih in Taluk cozah nih NUG le ralhrangbu cu thazaang an i thlau tuk caah NUG nih atu nakin zeihmanh an tuah kho hlei lai lo tiah ruahnak a ngei nain Kawlram chung Taluk sehzung cheukhat hna cu thil cawtu hna sinin thil an cah ti lo tiah global times nih a langhter.
Kawlram i Taluk La le hnipuan thitnak bu secretary Luo Muzhen nih; Maersk company nih kan tuanti nak cu tuzarh chungah ruahlo pi in a kan din tak. NUG le ralhrangbu kar kahdohnak ruangah riantuantu hna nih riantuan duhnak, chawlehnak le ramdang mi hna himnak caah phan ngai a si tiah a chim. NUG cathanh cungah ralhrangbu lei nih zeihmanh hmurka an chuah rih lo nain, ralhrangbu hruaimi innhngak cozah cu nizaan September 7 ah khan meeting an ngei. Yangon ahcun cunglei he tanglei he runvennak chah ngaiin a chiah i,
Karen ramkulh ahcun mipi ralkap he chawnhbiaknak an ngei tiah theih a si. Kawlram chawlehnak dirhmun cu a fianglo tuk ruangah Confederation of Trade Unions le Myanmar Industrial Global Union hna nih Kawlram in thil cah mi vialte dinhter dingin nawlnak an tuah. Kawlram buainak he pehtlaih in Kawlram i Taluk he tuanti mi set.hzung cheukhat hna cu tuk le meikhangh an si caah Kawlram sehzung ah invest a tuah mi Taluk chawlehtu cheukhat hna cu midang sin ah an zuar cang hna. Chawlehtu cheukhat nihcun a tu Kawlram dirhmun hi zual lei a panh ahcun Taluk sehzung hna sin ah US le Europe in thil an cah tawn mi hna a din lai phan a um ngai tiah an ti. Ref; global times , The Chin Post
Sagaing ramthen, Kalay peng chung Do Nuai khua pawng ah ralhrang nih an kahthah mi mipi ruak 3 cu September 8 zing ah hmuh asi tiah khuami pakhat nih a chim. “Kan khua ah ralhrang um hmun an khuar.Nizaan September 7 ah kanmah Do Nwe khua le Kyaut Phu khua kar ah PDF he an i kap.Ralhrang lei cu a thi mi an tam. Atu ruak hmuh mi hna hi Asih Si khua mi U Aung Win le Ko Yan Wanah Aung cu mipi chung in an si i pakhat tu cu a ho a si ka thei ve lo.” Do Nwe khua inn 4 zong September 7 ah an khangh.Ralhrang hna nih September 8 zing ah Tin Thar khua Gen Thar Ya, Aung Thar Yar( khua hna cu an kawl hawl hna caah khuami a thong leng in a himnak hmun ah an zaam . September 7 ni ah Kalay PDF le ralhrang kar ah kahdohnak a um i ralhrang lei in a tlawmbik 4 an thi minung 10 leng an i hliam tiah Kalay PDF nih a thanh.
Maxico ram Heidelgo ramkulh ah ruah faktuk in a sur caah, rili ti cu liam in khuachung ah ti nih a kai hnawh tuk hna, sizung pakhat zong ti lianh ruang ah ti nih a phum, Covid zawtnak in a damlo mi mizaw tel in minung 17 cu an nunnak a liam tiah nawlngeitu hna nih nihnih ni ah khan an chim. Tola khua cozah sizung in mizaw minung 40 leng cu emergency mi bawmchantu hna nih thial in an chanchuah hna.Theihkhawh tawk le checkhlat ning ah minung umnak inn 2000 hrawng cu ti nih phum in a rawk mi zong an um tiah a cozah nih thawngthanh nak ah an chim.
Nunnak a liam mi mi ung 17 chung ah Covid zawtnak ngei mi minung 16 an i tel tiah Hedilgo ramkulh uktu Oma Pheyat nih khuachung media ah a chim. Ni caan sau pi ruah a sur, sizung ah mei a mih lio caan ah ti a lianh hi a si, minung nunnak tiang a liam tiah media nih an langhter. Tih nunnak hmun ah a ummi hna nih, a san deuh nak hmunhma, a himnak hmun ah um cio ding in le chungkhat theih hngalh sin ah um cio ding in president Andris Manureil Loepat Oobarada nih a chim.Maxico ram ah ruah faktuk sur in ti lianjnak hi a chuak kho mi thil a si rih tiah ralrinnak zong a chim. AKonthi,nThe Chin Post
Leave a Reply