September 18, Thantlang ah ralhrang chiahru le CDF/CNA i kahdohnak in ralhrang chiahru lei minung 30 leng an thi tiah CDF Thantlang nih cathanh a chuah. CDF/CNA lei in hliam a tuarmi an um lo tiah an langhter. Uico ralhrang hrut nih mipi hnahnawhnak le fahnak an pek peng rih hna a siah cun i kahdohnak a faak kho ti zong ah an talh.
Thantlang thihlohnak le inn kaang puicimh tonnak he pehtlai in CDF-Kanpetlet nih ngaihchiatpinak cathanh chuah September 18 zaan Thantlang ah sualnak ngeilo Pastor Cung Biak Hum @ Biakkolh nunnak a liam mi kong ah siseh, innlo a ciam mi mi kong ah siseh, CDF-Kanpetlet nih September 19 ah ngaihchiatpinak cathanh an chuah.
Sangau le a pawngkam khua hna nih ralzaam an rak zohkhenh hna ning – 1. Tipi in Sangau tiang an tlunkalnak hi anmah ralzaam pumpak in an i tawlrel i motor hlan man hi 5000 hrawng a si. YLA, Sub-HQ nih man lo in motor an hman khawh nakhnga an timhtuah cuahmah lio a si. 2. Sangau le a pawngkam khua an phak hnu ah ni 7 chung Quarantine an si i, Center an um chungah hin eidin tirawl cu tum piak / pek an si.
Asinain mah pumpak in inn ai hlan mi bel cu pek an hauh ahcun an mah tawlreltu sinah chimh khawh thiam an si. 3. Quarantine in an chuah hnu ah Ralzaam camp ah chungkhar pakhat ca ah inn pakhat in chiah an si lai. 4. Covid test an herh ca ah Quarantine an chuah hnu ah hin Covid test a hau lai i , Covid test man hi 100/- asi. Hihi YLA Sub-HQ hmalaknak in a thlawn (Man lo) in test khawh ding in an i zuam lio a si.
5. Refugee camp i an um chung ah hin a si khawhchung in tawlrel an si lai. Eidin tirawl ai damh kho lo mi an um zongah YLA hruainak in pekchanh lengmang ding an si. 6. Sangau in khuadang kal an duh a si zongah Tipi in khuadang ah lanh khawh a si thiamthiam. 7. Sangau ah Quarantine an chuah hnu zongah an duh ahcun khuadang ah lanh khawh a si i, inn hlan ding an duh i an hmuh a si zongah an duh ahcun refugee camp ah um lo in inn an i hlan khawh.
8. Medical lei ah siseh damlo zawtfah caan i sii-ai ei ding zong siseh YLA, Sub-HQ nih sii-ai poiherh tampi an ngei. A duh mi ca poh ah anmah zohkhenhtu hna sinah chim in lak khawh a si. Sangau khua chungah Ralzaam 600 leng i dor nakding hmunhma a um. Young Lai Association, Sub-HQ hruainak in Ralzaam camp mi 1000 hrawng tlum nakding zong Sept ni 20 hrawng thawk in sak timh cuahmah lio a si.
Lairam chung Sangau khua le a pawngkam khua hna ah ralzaam caah inn le lo hmunhma minung 800 tlum a um tiah ruahdamh a si. Chin State in Lairam, Sangau khua le pawngkam ah a zaam duh mi kan um a si ahcun YLA hna sinah chawnhbiak le pehtlaih lengmang khawh a si. Pehtlaihnak rak tuah chung lo zongin luh cuahmah khawh a si.
YLA, Pangkhua nih Saisihchuah ah an rak in tawlrel hna lai. YLA, Sangau hruaitu lei pehtlaih a duh mi kan um ah cun a tanglei ah pehtlaih khawh an si. +91 76279 97239 Lalduhthiam, YLA Sub- HQ President. 7085075795 Biak Vung YLA Sub- HQ Secretary. Sangau-I Hruaitu hna Secretary : 8787426445 President : +91 70850 78061 Sangau – 2 President : 8416005357 Secretary : +91 76309 78070 Sangau – 3 President : 8414907973 Secretary : +91 89749 11959 Sangau-4 7085492973 : President President : 6909287958 Photo: Sangau khua
Leave a Reply