U Phyo Min Thein Sin In Sui Le Dollar Na Lak timi Kongah Suu Kyi Nih A Vun Chin Ve
U Phyo Min Thein sin in Sui le Dollar nan laak tiah Taz cuai mi thongdan pek nak cung ah a si lo mi, a dik lo ningin tazaa an kan cuai tiah Daw Aung San Suu Kyi nih fiangput in a chim tiin Biaceih zung hen aa nehniam mi sin in theih a si. Mah Sui le Dolalar na lak timi tazaa cuai mi kong he pehtlai in tuni April ni 27 Nay Pyi Daw ah a um mi Zabbu Thiri special biaceih zung nih,
Daw Aung San Suu Kyi cu thongdan kum 5 an pek chap nak cungah Daw Aung Suu Kyi nih mah tazaa cuainak hi a dik lo mi, a si lo mi a si tiin fiang ngai ngai in Daw Aung San Suu Kyi nih a chim tiin Biaceih zuung he aa neihniam mi sinin thawng kan theih. Mah a hmuh tazaa cuainak cu Phyo Min Thein nih Yangon vuanci in tuanvo a lak lio ah,
Daw Aung San Suu Kyi nih American dollars 6 Million le Sui tlang Cuai 7 a laak timi SAc ralhrang nih pohma 55 in tazaa an cuai mi a si. Mah a hmuh kong he pehtlai in U Phyo Min Thein le an nu a si mi Daw Khine Mi Mi Kyawl hna cu tette aiawh in an dir ko nain tette caah thilri pakhat hmnah an langhyter kho lo tiah thawng theih a si.
Phiapung Peng Jungkyait Khuabawi Fimtawl A Si Hnu Ah Sualnak Ngeilo Mipi Tlaihkhih An Tong, Ayarwady ramtthen ,Phiapung(ဖျာပုံ) peng Jungkyait (ကျုံကျိုက်) khuabawi fimhlawm a si hnu ah, SAC ralkap hna nih khuachung ummi sualnak ngeilo mipi hna cu phungninglo le hramhram in an tlaih hna tiah Phiapung Ayabeda(ဖျာပုံဧရာဗေဒါ) phu nih nihin April 27 ah an thanh.
” Nizaan in Jungkyait (ကျုံကျိုက်) lei tlaihmi an tam, nihin ah chekhlatnak tuahding in an auhthan hna Jungkyait (ကျုံကျိုက်) khuami lawng hmanh a tlawmbik minung 6 an si, dalaan hna nih NLD lei ah thazaang chuahtu hna cu kutdong sawh in an tlaihter hna. Minung 40 tiang tlaihkhih an si lai tiin thawngpang a leng, a tutiang tlaihkhih a tongmi hna hi NLD ttanhtu lawngte an si tiah theih a si. Phungninglo le hramhram tlaih a tongmi mipi hna cu tazacuai an si lai tiah kan theih” tiin Phiapung Ayabeda (ဖျာပုံဧရာဗေဒါ) phu nih an chim.
April 24, zaan suimilam 9:10 ah Jungkyait (ကျုံကျိုက်) khuabawi U Aye cu tualchung hriamtlai phu nih an fimhlawm hnu ah pyusawthi le tualchung hriamtlai phu kaphnihkar kahdohnak a rak chuak i pyusawthi 2 nih hliamhma an rak tuar tiah theih a si.
Palaw le Dawei kahdohnak ah SAC ralkap 12 an thi, Taningtarry ramtthen, Palaw peng le Dawei peng ah April 26 zaanlei in SAC ralkap le tualchung hriamtlai phu kar kahdohnak a chuak i SAC ralkap 12 an thi an motor 4 a rawk tiah tualchung hriamtlai phu hna sin in theih a si.
Myait pengkomh, Palaw peng Kadae(ကဒဲ) khua pawngah nizaan April 26, zaan suimilam 8:30 hrawngah Myait in Palaw leiah a kal mi SAC ralkap motor ruun 10 cu King Cobra Force nih bomb lung 3 an puahhnawh hna caah SAC ralkap motor 7 an hliamh i cu chungin motor 2 cu a kaang i SAC ralkap 10 nak tlawmlo an thi tiah King Cobra Force nih an thanh.
Dawei peng Tabia(သဗျာ) khuakomh Maechawng (မေချောင်း) khua meng 8 lamtonnak pawngah nizaan April 26 zaan suimilam 7:00 hrawngah PDF le lampi ah chekhlatnak a tuahtu SAC ralkap kar minutes 40 tluk kahdohnak a chuak, cu kahdohnak ah cun SAC ralkap lei 2 an thi hliamhma tuar an tam tiah theih a si. Cu kahdohnak ah cun SAC ralkap motor 3 chungah 2 cu a rawk i a tangmi motor pakhat cu tualchung hriamtlai phu hna nih an lak tiah tualchung hriamtlai phu hna nih an thanh.
Leave a Reply