Suanpiyan Khua Cu Ralhrang Nih Raltuknak Vanlawng Pathum In A Kah!!

Suan Pi Yan Khua Cu Ralhrang Nih Raltuknak Vanlawng Pathum In A Kah Hna

=============

Suan Pi Yan khua cu ralhrang nih raltuk nak vanlawng pathum bakin a kah hna i inn pathum akang i mipi cu ahliam mi anunnak aliam mi an um lo tiah thawng kan theih,

Putau Oo pengkulh, Suanpiyan khua ah aum mi ralhrang sakhan cu cu February nikhat ah kha KIA nih an rak lak i tuni suimilam 4 in raltuk nak vanlawng pathum in kadoh lehrulhnak a tuah tiah thawng kan theih.

Raltuk nak vanlawng pathum in a kahdoh ruangah mipi inn pathum akang i khuami pawl cu ram lakah an zaam dih hna tiah thawng kan theih. Khuami ahliam mi le an nunnak a liam mi cu a tutiang ah fiang tein theih khawh a si rih lo.

” Vanlawng in an kann kah caah mipi inn akang i khauchung ah bomb atu le tu in a rak tla. A tu zong an kah lio pi a si. Raltuknak vanlawng pahnih cu an kir cang nain pakhat nih an kan kah lio pi a si ko” tiah khuami pakhat nih Kachin News Group ah a chim.

Laknak- Kachin News Group

Relchap, Min Aung Hlaing nih Kawlram mi a si mi paoh poah tukum chungah  ralkap training kai  dih ding in tuanvo kan lak lai tiah a chim. Kawlram mi a si mi paoh paoh ralkap training kai dih dingin,

Tu kum chung ah training kai dih ding in tuanvo kan lak lai tiah Min Aung Hlaing nih February ni 2 tonbiaruah nak meeting ah acung lei bantuk in a chim mi hi a si.

Min Aung Hlaing nih kan mah lei zongin tukum chungah timhmi pathum kan ngei i apakhat nak bik ah kan rampi hi chawlehnak lei in a cung ah kan kai ter lai i,

A pahnih nak lei in kan ram, ramkhel kong hi a that khawh chung in kan i zuam lai, tuanvo kan lak lai i Ramkhel kong le Chawleh nak a that khawh in cun kawlram hmun him nak ah aa tel mi hmun him nak hi athat khawh chung in tuanvo kan lak lai ti zong a chim chap.

Laknak- MyanmaPlatform

Thawng dang, India ram Mizoram ramkulh cozah nih Kawlram ralzaam mipi hna cu theihpinak card an tuahpiak hna lai.

May be an image of 2 people
India ram Mizoram ramkulh cozah nih Kawlram ramzaam mipi 16000 tluk cu theihpinak card an tuahpiak lai tiah ramkulh runvennak minister nih media sinah a chim.
May be an image of 2 people
Relchap, Kalaymyo technology sianghleirun in Kalaymyo thlanglei sangah lamhlat kahnak miappi hmangin tuzing suimilam 9:00 thawkin vawihra (10) leng an kah.
May be an image of 2 people
Nizan ah Kalaymyo technology sianghleirun pawng le Nat Myaung khua pawngah kahdohnak a chuah ruangah Kalay-PDF pahnih (2) nunnak a liam.
May be an image of 2 people
Relchap, YDF (Saw-Kyaukhtu) Sinah Palek Pahnih An Lut! Maggui ramthen chungum palek pahnih nih Febuary (1) ah an rian chuahtak in CDM tuah hratin YDF (Saw-Kyaukhtu) sinah an lut.
May be an image of 2 people
Mipi sinah aa fonhtu palek pahnih hna cu tha tein an rak donh hna pinah ti-rawl zong an pek hna i, kum 2022 Febuary (3) ah himnak hmunah an thlah cang hna tiah theih a si.
May be an image of 2 people
Hi hnu zongah hriamnam tling he YDF (Saw & Kyaukhtu) sinah a rak lutmi paoh cu laksawng zeimawzat pek an si lai pinah himnak hmun ah kalpi, thlah nan si lai tiah cathanh an chuah hi a si.
May be an image of 2 people

Relchap, By Nu Nu Sung Hrangtlung,

Ramdang A Ummi Na Chungkhar Hi Theithiam Hna. Ramdang ah a ummi cheukhat, ralzaam, mipeem pawl hi Lailei u le nau chungkhar ruahnak in cun phaisa hi hnah ṭawh in a ṭomi kan lo tawn. Phaisa hi herh huaha lem lo zongah cah i hman kan hmang.
Zeitlukin dah mi ramdang ah nun a har le phaisa ngah a har timi langgter ka duh. Mi ramdang ah kan phan. Holh thar kan cawng, nun thar kan cawng, phung thar kan cawng. Zeizong vialte hi a thar in kan cawng dih. Lailei lo rian rak ṭuan bantukin mah duh caan paoh ah nikhat te cu i din ta ning ti a ngah lo.
Boss te kuttang ah rian a ttuanmi kan si caah dinh caan lo ah mah duh in dinh a ngah lo. Holh kan thiam lo tikah nihsawh kan tong, hro cer kan tong. Kan dam pah huaha lo zongah rian dinh ta awk kan ṭha lo.
Kan thlahlawh a chuah bakin bill pek ding nih a kan dawi colh. Zarhpini caan hmanh aa pum kho lo kan tampi. Zeitlukin bat le cei ko zongah a thaizing ah i thawh ṭhiam a herh. Zinglei 5 AM hin thawh i zaan lei 3 pm tiang bak din loin ṭuan a si tikah thinlung a ba, thluak a ba taksa zong a ba tuk hringhran.
Asinain mah chungkhar le zohkhenhnak ca cun tiin i hnek tulmal kha a si ko. A caan cun mu, khua i ruah sual cun mah nunnak i lak tiang hna hi a phan tawn cuh. Thinlung a bat, taksa a bat lei lei ah thluak a hun bat cun mu ka nun zei saan tlai ti ruahnak a chuah tawn.
Mi kuttang peng rian ttuan a fawi lo ning cu mu, nain chungkhar caah cun tiin i hnek cio khi a si. Hnek timi hi a nifatin bak a si cun a baa tuk hringran ko. Cucaah ramdang in kuatmi phaisa na hman lai ahhin khua rak ruat ta cikcek ve.
Na unau na chungkhar nih din lo in, thlan ti pi he boss te kuttang ah hro cer le mithmai zoh bu tein an ttuanmi phaisa kha nangmah nih nuamhnak men men na hman a si cun an dawtu zei na rel lo a si.
Tangka zong hi nangmah tein hmuhnak lam a um cun kawl ve. Ramdang ummi peng lawngte na rinh hna ahcun anmah zawn na ruah lo zong a si fawn. Phaisa chuahnak an si lo, timi kha na theih a herh.
Ramdang i a ummi chungkhar sinin a rami phaisa cu upat ko. Hnah bangin ṭawhmi phaisa a si lo. Pum fak harsa tuk in kawlmi chaw a si kha na theih ahcun a hman zia na thiam tuk ko lai.
Note: Rian ka ṭuan hnu i ka hmai huh neh aa hngalmi chungin ruahchuk ruahcho

Be the first to comment

Leave a Reply

Your email address will not be published.


*