Sport News: Arsenal ah Ramsdale alut dawn

Arsenal chuan goalkeeper thar an nei dawna, Sheffield United atangin English goalkeeper Aaron Ramsdale an lalut dawn.

Arsenal leh Sheffield te hi Ramsdale-a manah an inrem tawh niin chanchinbu mite chuan an tarlanga, mimal thilah pawh Arsenal hian Ramsdale hi inremna an neihpui tawh tih tarlan a ni bawk.

Arsenal hian vawi hnih ngawt tun nipui bazar chhungin Ramsdale hi an dawr hlawhchham tawha, a vawi thumnaah erawh an hlawhtlinga, Ramsdale-a manah hian pound maktaduai 25 vel an seng dawn niin sawi a ni.

Arsenal hian kum 23 mi Ramdale-a manah hian pound maktaduai 18 pek phawt an duh niin tarlan a ni a, add-ons nen Ramsdale-a man hi pound maktaduai 25 vel a kai chho dawn niin a lang.

Ramsdale hian nikum mai khan Bournemouth atangin Sheffield hi zawm mahse, Sheffield hi Premier League atangin an tla a, Premier League lama kir lehna hun tha Ramsdale hian a nei dawn niin a lang.

Arsenal hian goalkeeper nghet Bernd Leno an nei sa a, Ramsdale hi Leno-a thachhangdawltu atan an lalut dawn a ni.

Arsenal hian tun nipui bazar chhungin player pathum an lalut tawha, Nuno Tavares chu Benfica atangin an lak tawh bakah, Albert Sambi Lokonga chu Anderlecht atangin an la tawh bawka, Ben White pawh Brighton atangin an lei tawh a ni.

Inkhel.com

Be the first to comment

Leave a Reply

Your email address will not be published.


*