South Korea Ram Russia Embassy Hmai ah Chinmi pawl Duhlo Langhternak an Tuah

South Korea ram ah a phanmi Chinmi pawl nih CYOSK hruainak in July 4 chun ah Russia Embassy hmaika ah duhlo langhternak an tuah hna.

Atutan duhlo langhternak an tuah hi a voi 20nk a si cang. Credit : The Chin Journal

Relchap ding : Dipeyian (ဒီးပဲယင္း) ah ralhrang nih kahnak in mipi ruak,ruak 6 hmuh chap asi,an dihlak ah 25

Sagaing ramthen,Dipeyian nichuah lei khua ah ralhrang nih hriamngan in an kah hna nak ah khuami hliammi le nunnak liammi an um hna i,nihin July zinglei ah ruak ruakruk char than asi.

July 2 zinglei ah ralhrang thazaang 150 tluk cu Dipeyian ni chuahlei khua ah mawtaw pathum in an ra i an kahnak hi asi.

Zingka,chun,zaanlei ah a cangmi i kahnak ahhin ralhrang nih hriamngan in voi 60 leng an kah i,Khua a hnorsuan caah mipi hliammi le nunnak liammi an um hi asi.

A nunnak a liammi khuami hna ruak hi zahan tiangah ruak 19 hmuh asi i nihin zinglei ah ruak 6 char chap asi tiah theih asi.

“Nizaan ah an ruak lak lio ahhin ralhrang an phanh caah kan zaam,tuzing zong ruak char lio ah an rat than caah kan zaam” tiah khuami pakhat nih achim.

July 2 Dipeyian nichuah lei ah ralrang nih thazaang hmang in le hriamngan in an kah caah khua khuaruk in mipi a thong leng an zaam.

Khuami cheukhat an tlaih hna i hliamtuar mi 10 hrawng an um.Ralhrang rual cu khuachung phungki inn ah umhmun an khiar,mipi hna cu hramhlak ah an zaam hna.

The Chin Post