South Korea President Thar Nih Bible He Biakamnak A Tuah!!

Tuni May thla ni 10 ah South Korea president thar a si mi Mr. Yoon Suk – yeol nih Bible in biakamnak a negi tiah theih a si. South Korea president thar a si mi Mr. Yoon Suk – yeol nih ” President pakkhat aiawh in president nih taunvo a laak hnga ding caan chungah North Korea ralkap hna nih ral lei in tlerhkhawhnak,

May be an image of 2 people and people standing

Chawnhlehnak rian a zuar mi kongkau zong telin phaisa sawhsamnak he zong a tong cuahmah mi ram pakhat a si caah chanthar sining in thil pakhat khat hun, tuah khawh nak hnga ding caah kan zuam lai i, Bible i tlaih in biakamnak ka ngei .”tiah a chim tiah theih a si.

May be an image of 2 people and people standing

North Korean nih tlerhkhawhnak he pehtlai in Nuclear in tletrhkhawnnak a ton peng mi zong phisin khawh dingin kaa zuam lai tiah a peh chap. Mah biachimnak puai ah President hlun le a chungkhar zong sawm chih an si  nain zei bantuk minung dah an kai ti mi cu langhter a si lo. American le China palai pawl zong an kai ve i, Japan cu a kai khawh lonak kong a chim cia caah a rak kai kho lo tiah theih a si.

May be an image of 2 people and people standing

Relchap, Raltuknak a fah lioah, Chin ramkulh, Paletwa khuapi chungah a rak zaammi khuate mi hna cu kahdohnak a daih pah cang caah SAC nawlpeknak in khuate lei ah an kir cang hna tiah ralzaam camp committee chungtel pakhat nih a chim. Asinain, khuate lei ah a kir than cangmi hna caah khua dirh thannak kong he pehtlai in harnak an tong tiah theih a si. Rakhine hriamtlai Arakan Army (AA) le kawl ralkap kahdohnak ruangah, Paletwa khuapi chungah a rak zaammi hna cu kahdohnak a daih ruangah an umnak hmun lei ah an kir than cang tiah Paletwa peng ralzaam le kokek bawmhnak phu chungtel pakhat nih VOA ah a chim.

May be an image of 2 people and people standing

“A tu cu Paletwa hmunhma lei in kan zoh a si ahcun a him cang ko. Inn kir ka duh cang ko. A tu hi peng cozah program in a si i ralzaam pawl mah le umnak hmun a panh cangmi hi chungkhar 162 an si. A minung in cun 800 leng an si lai. Rimawa, Tummawa, Tanseik le Ohmelewa khua 4 hna hi an si. Kan hnu kum ah a kir cangmi khua 9 he cun milu 2,500 leng an si cang lai. A kir rih lomi hi chungkhar 800 hrawng an taang rih lai i a milu in 2,000 hrawng an si lai. Ralzaam pawl an umnak hmun an kir than khawhnak hnga SAC nih a tawlrelpiak hna tiah Paletwa peng ralzaam bawmtu phu in riantlaitu pakhat nih a chim.

May be an image of 2 people and people standing

Paletwa khuapi chungah a ummi ralzaam camp Seinwin, Ngapui, Siphala, Bawngwa, Ohthemawa, Ohmelewa, Tanseik, Tunmawa, Rimawa, khuate in mipi hna cu 2021 October thla chungah umnak hmun a kir thanmi 25,000 leng an rak si cang lai. Umnak hmun a kir cangmi hna nih tukum cu tlanglo riantuan an i harh lai tiah ralzaam lei bawmtu phu chungtel pakhat nih a chim. A tu ralzaam pawl hi, 2015-2020 tiangah AA le Kawl ralkap karlak kahdohnak ruangah a zaammi pawl an si. 2021 ah kahdohnak a dai pahmi dirhmun ruangah an kir than hi a si.

May be an image of 2 people and people standing

Kahdohnak ruangah kum 2 leng khua a rak zaamtak i a kir thanmi pakhat nih “Cheukhat umnak hmun a kir thanmi hna cu Melewa, Sein khuate hna hi an kir. Khua an kir tikah an inn an remh. Cun, eidin lei zong an tlamtlimg lo. Riantuannak caah caw zong an ngei lo, an caw pawl zong a dih dih cang. Caw, vok, ar hna zong an um ti lo. Pa pawl caah rian a um lo. Eidin hi cu an har bak ko. Paletwa peng ralzaam cheukhat an umnak hmun an kir than cang ko nain, Paletwa khuapi le Sami khua ah ralzaam a thong leng an taang rih ko.

May be an image of 2 people and people standing

Kawl ralkap le AA karlak buainak ruangah Rakhine ram he aa pehtlaimi Paletwa peng ah raltuknak lei buainak a um peng rih. AA an umnak hmun pawl ah ralkap nih kahdohnak a tuah i mipi ral in kahdohnak tuah pawl hna a um rih. A luancia 2020 March thla ah Paletwa peng Pyin le Meihsawa khuate hna ah Kawl ralkap nih vanlawng hmang in kahdohnak a tuah ruangah sianginn a rak kaang i mipi a thimi an rak um.

May be an image of 2 people and people standing

Paletwa peng, khuate 3 ah vanlawng hmang in kahdohnak ruangah, Chinmi 11 an rak thi cang. A tubantuk kaphnih kar kahdohnak ruangah, khuami tinh hramhram in kahdohnak a um caah khuami tampi Paletwa khuapi chungah an rak zaaam hi a si. Ralzaam pawl hna hi World Food Program nih an herhmi facang, chiti, cite, pe le vitamin a ummi changreu pawl an bawmh hna tiah bawmhchannak rianngeitu nih a chim.Paletwa peng ah kahdohnak a dai nain Mindat peng ah kahdohnak a fah lio a si

May be an image of 2 people and people standing

Karenni ramkulh, Pruso peng le BawLaKhe peng tlawnkalnak lampi Pruso – Baw La Khe lampi cungah May 1 in 7 tiang kahdohnak ah SAC ralkap 44 an thi tiah KNDF nih cathanh an chuah. Pruso peng in Baw La Khe peng lei ah eidin le hriamnam thilri hna chanh ah a kal mi SAC ralkap mawtaw 30 hrawng le KNDF karlak kahdohnak fak a chuak i zarkhat chung ah kahdohnak voi 13 a chuak.

May be an image of 2 people and people standing

SAC ralkap mawtaw 8 a rawk i SAC ralkap 2 a nung in kan tlaih hna pin ah meithal zuun 15 le hriamnam dang kan lak khawh tiah KNDF nih an thanh.May 6 Law Gyikhu khua kahdohnak ah KNDF ralkap pakhat a nunnak a liam tiah tuanvo ngaitu pakhat nih a feh ter. SAC ralkap mawtaw hna cu lamtan in an kah nak hna video zong KNDF nih May 8 ah an langhter i SAC ralkap tampi an thi i lampi cungah SAC ralkap mawtaw a kangh lio hmuh khawh asi. SAC ralkap a thi mi an tam nain SAC ralkap lei nih cathanh an chuah mi a um lo tiah theih a si.

May be an image of 2 people and people standing

Relchih a duhmi caah thawngpang dang. Sagaing ramṭhen chung SAC ralkap nih an khangh mi khua hna chung in khua pakhat ca ah Kya Tanat-PDF nih chungkhar pakhat ah 50,000 Mmk bawmhnak an pek hna, tiah theih a si. Chungkhar 104 ca ah sing 52 tluk cu inn an sak ṭhan khawhnak ding caah kan bawmh hna, tiah Kya Tanat PDF in ṭuanvo ngeitu pakhat nih a chim.

May be an image of 2 people and people standing

Phaisa cu umnak ding ca ah a har mi mizapi umnak caah hlut mi a si. Mipi hi kan herh bik hna le kan zei zongte an si caah, mipi an harnak cu kan harnak a si ve, tiah Kya Tanat PDF in ṭuanvo ngeitu nih cun a chim. Sagaing ramṭhen chung ah khua tampi cu SAC ralkap nih meikhangh in an hrawhpiak hna i, mah umnak ah um ngam lo in ralzaam dirhmun a phan mi minung 2,40,600 an um lio, tiah UNOCHA Myanmar nih a thanh.

May be an image of 2 people and people standing

Be the first to comment

Leave a Reply

Your email address will not be published.


*