Pastor pa nih inn A sakpiak hna long si lo in, bible free in a pek rih hna cu hnuah an duhherh mi ti le rawl an eiding ah tampi a bawmh rih hna. Mah hi pathian riantuan taktak cu asi ko. Bible nih a duhmi cu mah thil hi asi.
Khuate tampi ah kal in, thawngtha bia a va aupi, cu hnuah mi harsa tete hna umnak a neilo mi, hna kha a zuam khawhtawk te in bawmhnak a pek hna. Midang pastor cu lak lei long an duh I, pek than an siang ti lo. Zeitin dah ka members hna nih an ka zohkhenh khawh lai ti long an ruah. An mah nih a hohmanh an pe duh hna lo. A tu pastor John cu asi ve lo. A neihmi a chawva vialte hmang in, ngaktah le nu hmei hna a bawmh hna.
Chun le zan in pathian bia a cawnpiak hna. Mi tampi cu pastor nun an zoh I, an nun an I thleng dih ve. Pastor pa thiltuahmi an zoh tik ah, an khuaruah a har. Pathian nih a fial taktak mi asi ko lai tiah zumhnak an nei. Inn le Lo a neilo mi hna nih inn le lo an van nei cang. Pathian bia thate in inn chungte ah a rel kho cang. Pathian a tihzah taktak le a zum taktak mi hna nih cun, mi dang caah thiltha tuah hi an I zuam. Thiltha tuahmanh lailo kha an phang.
Mi sin I hmuh le lak long an duhlo, an mah nih pekkhawh an duhdeuh. Khrihfa kan si ah cun, Pathian nih a kan fialmi cu kan tuah hrimhrim a hau. Pathian nih a kan fialmi kan tuahlo hi, Pathian tihlo pakhat asi. Pathian zeitluk in dah a lung ai lawm hnga hi pastor cungah hin. Thluachuah hmu zungzal koseh. Pathian zong nih hmang zungzal ko seh.
Leave a Reply