South China Sea Ah Tuluk Cawlcangh ning Cu Phillippines Nih Mawhchiat

South China Sea Ah Tuluk Cawlcangh ning Cu Phillippines Nih Mawhchiat! Philippine ram khualipi Manila in meng 200 a hlatnak, chawlehthalnak hmunpi ah Tuluk cawlcangh ning cu Phillippines nih June 10 ah khan an mawhchiatnak kong an thanh. Zarhkhat chung lawng ah a vawihnihnak Phillippines nih a mawhchiatnak a si cang i, South China Sea ah phung ning loin Tuluk cawlcanghnak kong report peknak cakuat cu 300 leng a um, tiah theih a si.

Tuluk lawngdinhnak(seaport) vengtu tilawng hna nih Phillippines lawngdinhnak pawngkam ah Phillippines tilawng hna cu zulh in, phung ning loin an ngiatthlai hna, tiah Philipines foreign ministry zung nih cathanh an chuah.

Tuluk nih, Phillippines nih phung ning tein a cawlcanghnak hmun ah nga tlaih ding in siseh, ngiatthlai ding in siseh, hnahnawhnak pek ding in tuah khawhnak nawl an ngei lo, tiah an langhter chih. Hi kong he pehtlai in Manila khuapi um Tuluk embassy nih zeihmanh lehnak a tuah rih lo, tiah theih a si. Ramri kong ah buainak a chuak khomi South China Sea hmunhma cheukhat cu Tuluk nih kanmah ta a si tiah an chim ve. Cred : The Chin Post