Siizung ah zohkhenh lio mi Covid-19 mizaw cu tlaihhrem asi hnu ah a nunnak a liam

COVID-19 Mizaw Sii-Inn Ah Zohkhenh Lio Mi Tlaihhrem A Si Hnuah A Nunnak Liam

India ram Bihar khuapi Patna siizung ah Covid-19 mizaw zohkhenh lio mi kum 45 nu pakhat cu siizung riantuantu pathum nih an tlaihhrem tiah theih a si.

Mah nu hi May 15 ah Covid-19 zawtnak a ngei ti theih a si hnuah Paras HMRI siizung ah chiah a si i May 16 ah ICU ah a um lio ah siizung riantuantu dang pawl nih an tlaihhrem tiin a fanu nih a chimh.

A fanu nih “ka nu ngandamnak hi a hlan bantuk a si ko, a zual tuk mi zong a si lo. May 15 zongah khan a mah tein siizung ah a kal mi a si. Ka nu bak nih a cungah thil a cang mi hi a ka chimh mi a si. Siizung riantuantu pawl nih ventilator (thawpeknak) hman hrimhrim a hau an ti caah Minsen zong an thut ter. Siibawi pawl nih thawpeknak an hman lo a si ahcun a nunnak caah tih a nung an tiah an chim nain a thi thiamthiam ko” tiah a chimh.

“Sii bawi pawl nih Palek sinah thil si ning an chim khawh lo nak dingah an thah lawlaw mi a si. A tu cu a thi cang tiah an thanh hawi” tiah a ti.

Thil si ning cu a fanu nih Jan Adhikar Party (JAP) ah a chimh hna i Patna biaceih bawi M.L Khan nih “Zawtnak ruangah maw? A si lo ah tlaihhrem ruangah maw a si ti kan theih khawhnak dingah ruak zong kan zohfel a hau” tiah a chim.

Siizung bawi P.D. Gupta nihcun tlaihhrem mi a si lo, siizung nih mizaw pawl cu tha tein kan zohkhenh peng ko tiah May ni 19 ah khan ca a chuah ve.

The Chin Post