SII Chairman Nih Vaccine Company Dang Cawh Cu A Tha Lo India ram ah Covid-19 runvennak sii covid shield vaccine company ngeitu le a ser tu Serum Institute of India chairman Cyrus Poonawalla nih India cozah cu covid vaccine pek kongah bia dik lo chim a puh hna.
Poonawalla nih kanmah nihcun kan i timhcia bantukin covid vaccine hi tukum chungah 110-120 billion tiang kan ser khawh lai.
Company dang belte cu an dirhmun kan chim kho hna lo.Politician hna nih vaccine dose kan pek khawh ding zat kongah bia dik lo an chim tiah a chim.
Cozah nih ramdang ah vaccine zuar a khap mi cu a tha kan ti lo.Vaccine a herhmi ram tampi an um nain an sin ah kan pe kho hna lo, an sin in phaisa tampi lakin sii hi kan ser mi a si. Ramdangah kan zuar zongah buainak kan tong hlei lai lo tiah a chim.
Atu nai ah drugs controller general of India nih covid vaccine company dangdang cawh mi cu a poi nak a um lo tiah a chimmi le hmalaknak a ngeih mi cu a tha ka ti lo.
Vaccine hi kan cawh mi harsatnak kan ton sual a si ahcun pakhat le pakhat kan i mawpuh te lai i, thil thalo a cang kho mi a si caah nawlngeihtu hna nih tha deuhin ruat hna sehlaw a tha lai tiah SII chairman nih a chim.
The Chin Post
Leave a Reply