Shwebo Peng Seihkhun Khua Ah Hriamtlaih Bu In Nunnak A Liam Mi Minung 4 Ruak An Hmuh

Shwebo Peng Seihkhun Khua Ah Hriamtlaih Bu In Nunnak A Liam Mi Minung 4 Ruak An Hmuh Sagaing ramthen Shwebo peng Seihkhun khua leng ah hriamtlaih bu in a thi mi minung 4 ruak cu nizaan July 18 zinglei ah hmuh a si tiah Seihkhun khua mi hna sin in theih a si.

Cu miruak hmuh mi kong he pehtlai in Seihkhun khua mi pakhat nih a chim nak ah” zaanah khan meithal thawng kan theih, ho te nih dah an puah cu ka thei lo,zingkhua a dei hnu lawng ah miruak hi hmuh a si, a thi mi hna zong hi meithal an i put” tiah a chim.

Shwebo sizung ,mithi ruak chiahnak hmun ah tuzing a donghnak an fehter ning ah miruak 4 hi Shwebo peng Tittawgyinkhua Awng Hein Kyaw(kum-20), Shwebo peng Seihkhun khua Htay Hlaing Win(kum-28) , Shwebo peng Seihkhun khua That Soe(kum-40) le Seihkhun khua mi Ko Thwe(kum-35) hna an si.

“Cu ruak 4 hmuh mi hna he pehtlai in phungning ten hlathlainak an tuah,hlathlainak a dih hnu ah thil fiang theih tik ah zeitin dah an thihning a si ti cu fehter khawh a si Lai” tiah Shwebo ramthen palik zung rianngei pakhat nih a chim.

Athi mi hna sinin hmuhmi kut ser chom meithal cu an kut in i put bu ten an thih nak cu rallokap hna nih chinchiahnak an tuah tiah theih a si.

The Chin Post

Be the first to comment

Leave a Reply

Your email address will not be published.


*