Senthang-CDF Cu A Thinphang Mi Pengtlang An Um!!

272056028_4735893706492039_199162634389123922_n

CDF Senthang le CDF Hakha kong hi CDF Hakha interview an tuah bantuk khin!
===============================

CDF Senthang le CDF Hakha kong hi CDF Hakha interview an tuah bantuk khin CDF Senthang khi interview tuah ve hna sehlaw an kap hnih bia(ruahnak) khi theih veve si sehlaw mipi thinlung a fiang lai i, CJDC riantuan nak zong a tluangdeuh lai tiah ruah cio a si, An mah kap hnih an ni rem lo caah CJDC ah Senthang CDF an telh duh hna lo i a tu ah Senthang cu a unau a pawngkam Lautu,Zotung,Zophei,Mara, he ZZMLS pehtleih nak an tuah tikah ceihphai an tong athli te in a thinphang mi pengtlang zong an um,thinlung chung bia an ngeih ve lai a fiang. Crd-Lovely CHIN Nation, Like, Share

Relchap, Bethlehem ah Jesuh a chuah hnu lawngah PATHIAN FAPA aum tinak asi lo. Pathian Fapa cu Vawlei ah a chuah hlan in a rak um cang mi asi. A tanglei Bible hrilhfiah hi zoh ta usih. (1) “Cuticun Pathian nih vawlei hi a dawt hringhran caah a FAPA NGEIHCHUNTE kha a PEK. (JOHAN 3.16)

Pathian nih A Fapa Ngeihchun te a kan pek ati. NGEIHCHUNTE ati caah A kan pek hlan ah FAPA cu a rak um cang tinak asi. A um cang mi kha a kan pek. (2) “Sihmanhsehlaw caan cu a hung phak tikah, Pathian nih A FAPA kha a run THLAH.(GAL 4.4) THLAH timi biafang nih a chim duh mi cu, vawlei cung a rat hlan ah a rak um cang tinak asi. Pathian nih a FAPA kha a run THLAH ti asi caah Pathian Fapa cu a thlah hlan ah a rak um cang ti kha fiang tuk in a lang. Aum lo mi cu THLAH khawh asi lo.

(3) “Cun khuavang a ngeimi paoh nih amah an hmuh tikah khan a hmaiah cun an tlu, “PATHIAN FAPA na si,” tiah fak piin an au. (MARKA 3.11)
Khuachia le Sehtan rual cu vawlei ah thlak an rak si hlan ah vancung khua ah a rak ummi ansi hna. Pathian umnak vancung khua ah aum belmi an si caah PATHIAN FAPA kha fiang tukin an rak theihmi asi. Jesuh an hmuh tik ah “PATHIAN FAPA” nasi tiah an au. Cucaahcun Pathian Fapa cu Bethehem ah a chuah hlan in zungzal a rak um cang mi asi.

(4) “Pathian nih KHRIH thawng cun van le vawlei i a ummi thil vialte kha a ser hna. Zeizong vialte hlanah a rak um cang”
KOLOSE 1.16-17/ KHRIH cu zeizong vialte hlan ah a rak um cang. KHRIH cu JEHOVAH asi lo, PATHIAN FAPA asi. Cucaahcun Pathian Fapa cu zeizong vialte hlan ah a rak um cang. (5) Sihmanhsehlaw atu kan chan, chan hmanung bik a simi chan ah hin cun, kan sinah a FAPA in a bia cu a chim.

HEBRU 1.2, Pathian nih a FAPA in bia a chim. BIA cu zeizong vialte hlanah a rak um cang (John 1:1-2). Cucaahcun FAPA cu zungzal a um cang mi asi. “JESUH MIN” TU HI A CHUAH HLAN AH A RAK UM LO. A CHUAH HNU AH PEKMI MIN ASI, Pathian FAPA cu Minung in a rak ra i. A min ah JESUH asi. PATHIAN FAPA cu a hramthawk tein a sinak kha asi i, vawlei cung ah minung in a rak chuak tik ahcun JESUH tiah auh asi. Chim duhmi cu ” JESUH timicu PATHIAN FAPA” min asi, JEJOVAH min asi lo. Cucaahcun Pathian FAPA cu JESUH in a rak lang caah JESUH cu PATHIAN FAPA asi.

Thawhțhannak he pehtlaiin Jesuh cu a thi i Thlan ah nithum le zanthum aum hnu ah a thoțhan timi Bible khoika hmanh ah aum lo. A Nithum nakah a thoțhan ti lawng aum. Thawhțhannak he aa pehtlailo mi (Matthew 12:40) Jonah hmelchunhnak khi mi tampi nih an i palh i, Jesuh cu nithum le zanthum thlan ah aum tiah an i ruahpalh mi asi. Matt 12:40 hrilhfiah zong ka tial chih lai caah a sau deuh zong asi le rel khawh rak i zuam te.

(Nithum le Zanthum kong cu Matt 12:40 te lawngah aum mi asi. Bible dsngah aum lo), (1) Jesuh cu a nithum nak ni (on the third day) ah a thothan. 1Cor 15:4 “cun Cathiang chung țhiamțhiam ah a țial rih bantukin, an vui i NI THUMNAK NI ah thawhter a si.
Nithumnak (On the third day) Bible relchap), (, Luk 24:7, Matt 16:21, 6:2),

Jesuh hi thlan chungah nithum le zanthum rak um sehlaw A nili nak ah a thoțhan ding khi asi. Nithum le zanthum (72 hours) aum ahcun Bible nih A nithum nak ni ah a thothan timi khi lih asi hnga. Jesuh cu Thla ah nithum le Zanthum rak um sehlaw THURSDAY ah a thih a hau hnga i, Ani li nak (Sunday)ah a thothan ding khi asi. On The Third Day (A Ni Thumnak) nih a sawh duhmi cu Ni Hnih hnu ah Nithumnak tinak asi. Friday ah Jesuh athi i, Saturday ah a thi rih, ni hnih asi cang.

A Ni Thumnak Sunday ah a thothan. Ka Langhter duhmi cu Bible nih “A Ni Thumnak” ah a tho atimi hi Ni Hnih hnu ah a tho tinak asi.
Nithum le Zanthum thlan ah na um ter ahcun A Ni Thumnak ah a tho rih lo tinak asi hnga. A Ni Li nakah a tho na ti hrimhrim ahau. Bible nih ni thumnak ah a tho ati ko caah Jesuh cu Thlan ah Ni Hnih aum hrimhrim tinak khi asi ko. (2) Matt 12:40 JONAH HMELCHUNHNAK

“For as Jonas was three days and three nights in the whale’s belly; so shall the Son of man be three days and three nights in the heart of the earth” (Ngapi chungah Jonah cu ni thum le zan thum a um bantuk khan Mi Fapa zong cu vawlei chungah ni thum le zan thum a um ve lai)

Lai Bible nih a biapi tukmi biafang a nganh caah Mirang Bible ka van thilnak asi. Mirang Bible nih cun “Jonah cu Ngapi Pawpi chungah (The belly of the Whale) ati i, Lai Bible nih Ngapi chungah ati. “PAWPI” a nganh. Ngapi Pawpi chungah nithum le zanthum aum. Mirang Bible nih Mi Fapa (Jesuh) cu “VAWLEI I A LUNG” (The Heart of The Earth) ati i, Lai Bible nihcun Vawlei chungah ati. “LUNG (Heart) a nganh.

(3) THE HEART OF THE SEAS (Jonah 2:3) LE, THE HEARTOF THE EARTH.(Mt 12:40), Jonah cu Rili laicer (Laifang) ah Nithum le zanthum aum (You hurled me into the depths, into the HEART OF THE SEAS), Jesus zong vawlei laicer (Laifang) ah nithum le zanthum aum lai. (Matt12:40)
The Heart of the seas cu Thlan tinak asi lo bantukin The Heart of The Earth zong THLAN tinak asi lo. The Heart of the Earth cu Laiholh in “Vawlei-i a laicer tinak asi. Hebrew siseh Mirang le Greek siseh “HEART” hi a muru, a LAIFANG (Center) tinak ah hman tawnmi asi.

Ezekiel 27:25-27 ah khin ” The Heart of the Sea” tiah kan hmuh țhan. Rili Laifang tinak asi. Kawl Bible nih “ပင်လယ်အလယ်” ati i a duhnak a khen kho ngai. The Center of The Sea he a sullam aa khat. Cucaahcun “The Heart of The Earth” nih a chim duhmi cu “The Center of the Earth” (VAWLEI LAIFANG) tinak asi.

Matt 12: 40 nih a chimmi cu “Jesuh cu Vawlei Laifang (The center of the earth) ah nithum le zanthum aum tinak asi. (Zohar 2: 266) nih cun kan ” Vawlei Laifang” ah aum mi cu JERUSALEM asi tiah a ti. Mifim pawl zong nih asi ko tiah an țhohkhan dih ve. Cucaahcun Matt 12:40 ” Mi Fapa cu Jerusalem ah nithum le zanthum aum te lai tinak asi.

(4) JONAH HMELCHUNHNAK (SIGN) CU THAWHTHANNAK KONG SILOIN HARNAK (MUIHNAK) ASI (Matt 12:38-40), Pharasi hna nih Jesuh cu “Hmelchunhnak”( Sign) rak kan hmuhsak tuah tiah anti. Lai Bible nihcun “Khuaruahharnak” ati i a sullam aa dang deuh ngai. Hmelchunhnak (Sign) hi a dik mi asi. Kawl နမိတ်လက္ခဏာ ati i a dik tuk.

JONAH Hmelchunhnak cu zeidah asi? Jonah cu ngapi pawpi chungah nithum le zanthum aum. Nithum le Zanthum chung HARNAK le MUIHNAK chungah aum mi kha Jesuh nih a chimmi asi. Jonah thawhthannak kong a chim lo. Jonah hrimhrim zong a thi lo caah Ngapi nih a luak thanmi kha Thawhthannak he aa pehpar lomi asi. Ngapi nih a luak mi kha THAWHTHANNAK caah hmelchunhnak rak sisehlaw Apostle pawl zong nih an i chirhchan hnga.

Jesuh nih Mi Fapa zong Jonah bantukin Nithum le zanthum chung HARNAK le MUINAK chungah aum lai tinak asi. Jesuh nih thawhthannak kong a chim bak lo hih. Cucaahcun Matt 12:40 hi Thawhthannak he aa pehpar mi asi lo ti kha i fiang cikcek a hau.

(5) RILI LAIFANG CU THLAN TINAK ASI LO. CUN “VAWLEI LAIFANG” (The Heart of the Earth)ZONG THLAN TINAK ASI LO, Ka hrilhfiah cang bantukin “The Heart of the Earth” cu THLAN tinak asi lo. JERUSALEM asi.Jesuh nih a chim duhmi cu “Jonah cu Rili laifang ah nithum le Zanthum chung HARNAK le MUIHNAK chungah aum bantukin Kei zong JERUSALEM ah Nithum le Zanthum chung HARNAK le MUIHNAK (Thihnak) chungah ka um ve te lai ti khi asi.

Jesuh cu Thursday (Cacawn nili) an tlaih. An serhset, an tuk an velh. Harnak (Suffering) tuar hram aa thok. Friday (Cacawn ninga) ah a thi i Saturday (Zarhte ni) tiang MUIHNAK chungah aum. Matt 12: 40 ah nithum le zanthum chung atimi hi an tlaih zan in a thawhthan hlan ni khi a chim duhmi asi.

(6) KA CAAN A PHAN CANG, Jesuh hi vawlei cungah kum 33 hrawng aum. A chim lengmang mi cu “Ka Caan a phan rih lo” a ti (Jh 2:4,7:6; 7:30). Harnak a tuarnak ding a chim chung (Mk7:31). Zeidah Jesuh nih a chimmi A CAAN hi asi hnga? A tawinak in chim ahcun Jesuh an tlaih ni in a thih chung nithum le zanthum khi Ka CAAN ati mi asi. An tlaih zanah Jesuh nih A CAAN CU A PHAN cang ati(Matt 26:45, Mk 14:41. aJh 17:1).

Jesuh vawlei cungah a rat hnawh cem A CAAN cu Nithum le Zanthum chung Jerusalem ah Harnak le thihnak (Muihnak) tuar kha asi. Jesuh hi kum thum chung thawngtha a chim ah Jerusalem ah thih dingin a kal bal lo. A caan a phak lo caah asi. A caan a cu i Jerusalem a kal tik cu Harnak le thihnak tuar awk ah kal ding khi asi. An tlaih zarh ahcun Zarkhat chungah Jerusalem cu voiithum a phan . riak lo in Betheny ah a kir thawn. Avoithum nak (Thursday) ah an tlaih. A caan a phan cang caah asi. Jerusalem ah Harnak le thihnak tuar ding a kal, Cucu Matt 12:40 nih a chim duhmi asi.

(6) MATT 12:40 A CHIMMI TAKTAK, Jesuh cu THLAN ah Ni thum le Zanthum chung aum lai tinak siloin Vawlei Laifang Jerusalem ah Jonah bantukin Harnak le Muihnak chungah nithum le zanthum chung aum lai tinak kong asi. DONHGHNAK, Jesuh cu a thih in a Ni Thumnak ah a thothan. Cucu Bible nih voi tamtuk a kan chimh mi asi.

Nithumnak timicu Ni hnih hnu lawngah nithumnak asi. Nithum chung Thlan ah rak um sehlaw NI LI NAK ah a thoțhan ding khi asi hnga.
Jesuh cu Friday ah a thi i, A ni thumnak ni Sunday ah a thothan. Hihi biatak asi. Chun le Zan in va tuak ti duh hlah. Bible nih chun e zan zan e tiah a kan chim lo. Nithumnak ah ti asi ko caah A ni in tuak law na fiang pup ko lai. Crd-Israel R. Thang

Senthang-CDF Cu A Thinphang Mi Pengtlang An Um!!

Be the first to comment

Leave a Reply Cancel reply