Nizaan zinglei suimilam 3:30 hrawngah Magwe ramthen, Seihpyu pengkulh chung A Lay Suu khuate a um mi U Nyo Myint leb an nu a si mi Daw Thida Moe nuvaa hna pahnih cu an inn ah a um lio, an i hngelh lio ah mi sual (damiak) pawl an rak phan i an pahnih in an thah hna pinah Sui, Ngun, an thilri pawl an fir piak hna hlei ah, thi (Hngawng ah awih mi thi) pakhat, 5 ounces hrawng a rih mi Flower bracelet pathum ( 3 rings), facang tunthum, DAYANG-125 cycle pa khat, YGN 2G-2773 aa tel mi Hljet (A raang Yawng) pakhat hna cu an laak piak hna hnuah an i zaampi tiah theih a si.
Chin ramkulh, Paletwa peng nizaan 26 May ah Arakan Army (AA) le ralhrang kahdohnak kong he pehtlai in AA nih zei biadah an chim. ” Paletwa A-Bawng-Tha khua pawng ah a ummi AA ralkap umnak hmun ah Myanmar ralkap LIB 275 nih ralhmai ser in an luh caah minute zei maw chung kahdohnak a chuak, kahdohnak a dih hnu zongah Myanmar ralkap nih zaanlei tiang hriamngan kahthlorh in an kah ” tiah AA in chimnak nawlngeitu U Khai Thu Kah nih BBC ah a chim.
Kahdohnak a chuah hlan ah ralhrang cawlcanghnak cu a luancia November, 2020 hlan deuh ah Arakan ramkulh ah ralhmai sernak a tam tiah AA lei nih an chim. Hi ruangah kahdohnak a fak chin kho mi a si tiah AA nih khuami ralrinnak an pek hna. Ralhrang lei chimnak nawlngeitu Zaw Min Tun nih a luancia 19 May i thawngfianhnak ah Arakan ramkulh chungah AA nih kahdohnak tuah dingin an kan sawm tiah a chim hnu ah a tu bantukin kahdohnak a chuah hi a si. Nizaan kahdohnak kong he pehtlai in kaphnih in thawngthanhmi zeihmanh a um rih lo.
Sagaing ramthen, Kani peng Chindwin tivakam Sanpiah khua May 27 zing suimilam 6 ah mei in an khangh tiah theih a si., Ralhrang hna cu Chindwin tiva cunglei in motor 8 in an rak tum i May 25 zanlei 1:20pm ah Kin khua mei in an khangh May 26 ah Sanpiah khua ah hmun an khuar i mei in an khangh than. Kani peng Chindwin tivakam ah mipi ralkap le ralhrang kahdohnak a chuah ruangah a ruang um lo in khuami inn an khangh May thlakhat chungah Ralhrang nih khua 12 an khangh.
Ralhrang hna nih khuachung ah hmun an khuar an kal lai ah khua an khangh mi hi zei zat man dah a si tiah tuak khawh a si rih lo. Atulio ah hi khua mei in an khanghnak hrawnghrang hi phone line an thah, khua inn pehzulh in an khangh khawh caah khuami ralrin te’n um hna usi tiah ralrinnak zong an i pe.
PALETWA KAHDOHNAK KONG HE PEHTLAI IN AA NIH ZEI BIADAH AN CHIM, Chin ramkulh, Paletwa peng nizaan 26 May ah Arakan Army (AA) le ralhrang kahdohnak kong he pehtlai in AA nih zei biadah an chim. ” Paletwa A-Bawng-Tha khua pawng ah a ummi AA ralkap umnak hmun ah Myanmar ralkap LIB 275 nih ralhmai ser in an luh caah minute zei maw chung kahdohnak a chuak, kahdohnak a dih hnu zongah Myanmar ralkap nih zaanlei tiang hriamngan kahthlorh in an kah ” tiah AA in chimnak nawlngeitu U Khai Thu Kah nih BBC ah a chim.
Kahdohnak a chuah hlan ah ralhrang cawlcanghnak cu a luancia November , 2020 hlan deuh ah Arakan ramkulh ah ralhmai sernak a tam tiah AA lei nih an chim. Hi ruangah kahdohnak a fak chin kho mi a si tiah AA nih khuami ralrinnak an pek hna. Ralhrang lei chimnak nawlngeitu Zaw Min Tun nih a luancia 19 May i thawngfianhnak ah Arakan ramkulh chungah AA nih kahdohnak tuah dingin an kan sawm tiah a chim hnu ah a tu bantukin kahdohnak a chuah hi a si. Nizaan kahdohnak kong he pehtlai in kaphnih in thawngthanhmi zeihmanh a um rih lo.
Kalaymyo In ခမရ (361) Ralhrang ralkap KLG PDF sin ah a zam, Sagaine ramthen Kalaymyo hrambunh ralhrang bu in ralhrang pakhat cu KLG PDF sin ah a zaam i CDM a tuah tiah KLG PDF nih an langhter. ခမရ (361) in ralhrang Naying Win hi KLG PDF sin ah a zam ahhin hriamnam zeihmanh a ken lo, asinain than tein le lunglawm in kan cohlan i kan zohkhenh ko KLG PDF nih theihternak an tuah. “Anih hi May 24 ni zingka te ah a rak phan, anih hi Kalaymyo le Kani peng khuate pawl mei a duah tu ah khan a tel mi a si, asinain ralhrang hna nih an tuahsernak kha a cohlan khawh lo caah a rak zamnak hi a si” tiah an thanh. Ralhrang nih hin ralram an kal tikah an ralhrant pawl hi nithum chung rawl ei ding lawng an phurhter hna, cu an rawl a dih paoh ah mipi inn bauh le thilri lak in an i zal, cu hlei ah Phone hman hrimhrim an sianh hna lo tiah theih a si.
MINDAT AH RALHRANG NIH MINO PAKHAT AN THAH, Chin ramkulh, Mindat khua tleirawl pakhat cu 16 Biangreithlep ah Kyaukhtu lei ah motorcycle remh dingin a kal lio lampi ah ralhrang nih an tlaih i an thah a ruak cu zuninn chungah an hlonh tiah theih a si. A ruak cu Mindat-Kyaukhtu lamkar Kyautawng lamton ah 24 Biangreithlep ah CDF-Mindat nih an hmuh i, a ruak cu tha te’n an vui than. Tleirawl ruak cu a hmai a rawk ngai cang, a hnulei ah meithal in voihnih kahnak a um tiah theih a si. Tleirawl an thah tan 16 Biangreithlep ah Mindat in Kyaukthu lei a kalmi ralhrang motor cu mizapi ralkap fonh nih an kah hna i ralhrang 40 an thi tiah theih a si.
Leave a Reply