Salai Yaw Mang Nih CNF Sinah Ca A Kuat Hna!

” To, CNF, Chinram le Chin miphun caah harsatnak nan tuar i nan pekchanhnak hi zei he hmanh tahchunh khawh a si lomi pekchanhnak a si. Nan izuamnak le nan thazaang chuahmi ruangah Chin miphun kan sinak le kan limhang cu vawlei cung a cul dih.

Nain nizan ah a chuakmi ngakchia tiang hmanh nih  nanmah (CNF) cu an in nautat i, sual an ipuh. Nan dai tuk (zeihmanh nan holh lo).” tiah Salai Yaw Mang nih a facebook cahmai ah CNF sinah cakuat a tial. Crd-Salai Yaw Mang

Relchap, Minchain pengkomh Nuaṭhuci peng block 3 Nuaṭhuci meekuang hmun a pituhhluattaw palai(MP) Naing Ṭhu Aung inn cu mei in an khangh, tiah tualchung mi hna sin in theih a si. Inn a kangh ning hi mizei an si ti theih lo mi nih mawtaw in an ra i an khangh. Inn a kangh lio ah hin meithattu zong an um lo i amah daih in a dai, tiah a chim chap.

Meikangh ruang ah hin inn cu cutlukpi cun a rawk lo nain rawlchuannak tlawmpal a kang, Mei zeitin aa thok i a kangh ti cu fiang in theih a si lo. U Naing Ṭhu Aung inn ah hin a hlan ah cun thilzuarmi pawl kan rak hmuh tawn hna, anmah cinglarualchan an um le um lo fiang in theih a si lo. Naing Ṭhu Aung hi National Unity Government(NUG) ah Defense minister rian a ṭuan lio mi a si.

May 19 chun hnu sml 2:45 hrawng ah Thaketa No.7 sang, Aungtapi lam ah meithal kahnak a chuak i, nu pakhat a lu ah meithal kuan nih an khen i a thi, tiah a thihnak hmun pawngkam ummi hna nih an chim. A thimi nu hi East Yangon University ah Physics major in kum donghnak a cawng lio mi Honey Oo a si. A hnakhaw hram ah kuan 2 nih a khen, tiah East Yangon University nih cathanh an chuah. Cu lawng si loin hringtu a nu le a pu zong kah an ton caah hliamhma an pu, tiah an langhter.

NLD a ṭanhtu an si caah an inn cu an kah. A kaptu hna hi thi din in biakamnak a tuahtu phu an si, tiah mit hmutu cheukhat nih an chim. Thaketa ah University siangngakchia Honey Oo kahthahnak kong ah, thi din in biakamnak a tuahtu phu nih an kahnak video zong social media ah a langsar ngai ko nain, a dikmi a si le si lo News company hna nih fehternak a tuah kho rih lo.

AA a riantuannak he pehtlai in harnak pakhat chuak sehlaw Tamadaw cu sual rak ka phaw hlah tiah SAC ralhrang  in chim nawl ngeitu Zaw Min Htun nih ralring peek nak bia a chim. ” A tu kan thing mi hi Rakhine mipi pawl harnak tonter kan duh lo hna caah kan thing mi a si.

Thinsau le lungfual in Pyidaungsu le ram daihnak caah kan tuah mi a si, a tu ah a cang mi thil he pehtlai in buainak a chuak sual ah cun sual rak kan phaw hlah” tiah  AA lei in Rakhine ram chung riantuannak pawl he pehtlai in thawng hal tu hna nih an hal mi cu SAC ralhrang in chim nawl ngeitu Zaw Min Htun nih a chim.

AA lei in Rakhine ram i uknak suaisamnak pawl cu va luh hnawk in harnak peek a um ah cun AA  a chim mi pawl nih hraimtlai buainak tiah auhmi khi a lo tizongin a chim. Nai  ah khan AA nih nitlak lei SAC ralhrang ralbawi cu caan rikhiah loin buaibainak a chuak ko tiah ralhrang pawl cu ralring a peek hna tiah theih a si.