Salai Tum Tum Nih Kaa Zawn Te Hin A Chim Mi Cu A Dik Bak!

By Salai Lungthlitum,  Hakha tangkua le tanghra kan kai lio ah vuak thawn khi rak uar ngai a si, velh a thawng deuhmi cu nu zong nih an rak uar deuh hna. Tapeh tampi an ngei, boss an rak si. I velh a rak lar ngai.

Kan hawipa pakhat cu a hmurka in a thawng ngai, i velh hlan ah cun ‘tih hlah, ka um ko hih’ tiin biachim a hmang i tampi nih an zumh sual lengmang. I velh taktak caan ah cun khawika a tlau hmanh theih a si tawn lo.

Ukraine zong hi Russia hrinsor ram pakhat a si, Russia he rualrem tein a um lio ah cun Russia nih a dawt tuk ko. Nain, US le NATO nih an tukforh, anmah he i fonh ding an lem. Bawmh ding an i ready bantuk in bia an kamh.

Russia nih cun a nau bantuk in a ruahmi ram kha a ral ngan bik NATO kuttang a luh ding a duh lo tikah hramhram in NATO uartu Ukraine cozah thlak ding ah a phomh cuahmah, Putin nawl a ngai ding Ukraine cozah thar dirh a duh. Ukraine cu bawmtu a ngei ti lo, nitlak ram an biakam cu Putin voih nih a choih dih.

US le NATO nih ralkap hman an i tim lo, sipuazi phihnak tuah lawng an i tim. Sipuazi phihnak an tuahmi zong a fak tuk lem lo, vawleicung bank vialte i pehtlaihnak SWIFT system in Russia block ding zong an duh lo.

Putin cu ai nuam ngai lai. Ukraine belte cu a ttap len lai, ‘aka bawmtu ding tiah ka zumhmi hna hi zumh tlak taktak an si lo hi teh’ tiah.

‘Ukraine na tuk ahcun fak piin sipuazi phihnak kan in tuah lai’ tiah Pu Biden nih kan hnu thla ah khan Putin ralrin a pek. Warning pek a lo ko nain hriamnam in lehrulh asi lai lo timi a fianter caah Putin ai lawm, a lor chinchin. Atu cu a thuat taktak cang, tlaih khawh a si ti lo.

Pu Trump nih cun North Korea pawng ah ralkap tilawng le fighter jet tampi a kuat, Pu Kim a thinphang. Pu Trump he ton biaruahnak khua a khan colh. Cakei bantuk a lor tawnmi pa kha Trump hmai ah cun chizawh bantuk in a um, a ziaza lungput ai thleng.

Putin bantuk mifir nih cun inn chung ah tihnung meithal a um timi an thei ahcun an lut ngam hnga lo, atu cu changreu a um an thei caah an lor i ngakchia tiang thah in inn an boah ngam khi a si.

American, Canada Le Japan Hna Nih Ukraine Caah Ral Ka Do Lai

Russia nih kahdoh atong mi Ukraine caah bomh a herh mi ramdang mi pawl lei in Ukraine ram luhkhawh nak hnga ding caah Visa hau loin Ukraine President Zelensky nih min athut hnu ah Japan mipi minung 70 hrawng nih Ukraine caah ral kan doh lai tiin an min an pek cang tiah theih a si.

Ukraine president nih ramdang mi paw cu VISA hau loin kahdohnak ah nan luh kho tiah a langhter hnu ah Dozens in a si mi American, Canada le Japan ram mi hna nih Ukraine ram caah bomh dingah biachah nak an tuah cang tiah theih a si.

France miphun ralkap in a kir mi minung pa 2 le Japan ram mipi hmunhimtu phu minung 50 tel in Japan mipi minung 70 hrawng nih Ukraine ram caah kahdohnak luh dingah min an pek nak kong cu Maninichi Shimbun thawngzamh  nih a langhter cang tiah theih a si.

Ukraine ram caah bomh ral chungah luh a duh mi pehtlainak pawl aum nak kong Spokesperson for the Embassy of Ukraine in mi pakhat nih a chim ko nain zawnruahnak lei in cozah riantuantu pawl he pehtlai in thil dang dang theih khawh a si rih lo tiah a chim.

American, Canada Le Japan Hna Nih Ukraine Caah Ral Ka Do Lai

Russia nih kahdoh atong mi Ukraine caah bomh a herh mi ramdang mi pawl lei in Ukraine ram luhkhawh nak hnga ding caah Visa hau loin Ukraine President Zelensky nih min athut hnu ah Japan mipi minung 70 hrawng nih Ukraine caah ral kan doh lai tiin an min an pek cang tiah theih a si.

Ukraine president nih ramdang mi paw cu VISA hau loin kahdohnak ah nan luh kho tiah a langhter hnu ah Dozens in a si mi American, Canada le Japan ram mi hna nih Ukraine ram caah bomh dingah biachah nak an tuah cang tiah theih a si.

France miphun ralkap in a kir mi minung pa 2 le Japan ram mipi hmunhimtu phu minung 50 tel in Japan mipi minung 70 hrawng nih Ukraine ram caah kahdohnak luh dingah min an pek nak kong cu Maninichi Shimbun thawngzamh  nih a langhter cang tiah theih a si.

Ukraine ram caah bomh ral chungah luh a duh mi pehtlainak pawl aum nak kong Spokesperson for the Embassy of Ukraine in mi pakhat nih a chim ko nain zawnruahnak lei in cozah riantuantu pawl he pehtlai in thil dang dang theih khawh a si rih lo tiah a chim.