Salai Tum Tum A Kek Kuai Hoi Cang E!!!

Than Shwe uknak cu nan rak celh ti cio lo caah Delhi le Malay ah nan rak zam cio, CNA ralkap tampi telh in. Kum a vun rau deuh i ramtha nan phan, tampi nih ‘Than Shwe ruang ah mah zat zat Laimi ramtha kan phak hi Pathian khuakhan a si’ tiah lawmhnak nan chim pah tawn.

Atu ah CNF kan zoh ah cun a hlan i a rak zam cangmi ramtha phan kan pale deuh khi CNF lutlai an si dih ko. An zam nak hmun in ram an rak dawt khawh thiamthiam ko – Pu Zing Cung le Dr. L H Sakhong telh in. Atu ah CDF an hun thawng ngai i a hnu lei in fek tein a dirhkamhtu cu Than Shwe chan i kan ram a rak zam takmi ramtha phan Laimi thiamthiam nan si fawn. Nanmah um hlah uhlaw CDF khi thlakhat hmanh an nung kho lai ka zum lo.

Atu ah, MAH uknak celh lo ruang ah kan ram a zamtakmi zong hi mawhchiat tuk awk an si lem lo. Hmailei ramtha an phak ahcun CDF president zong an tuan ve te khawhmi a si, nawl ngei takmi supporting committee hotu or Vaurawng hotu or CBCUSA president zong an si ve kho. Nek ngam ding an si lo khi  Kei belte cu ka chungkhat Malay kal duhmi an tam tuk i bawmh an ka hal lengmang tikah minung pakhat ah ting 30 leng puaisa pawl pek a si fawn i ka phaisa a dih deng cang — tadawng-sa ah kai chuah cang men lai. By Salai Lungthlitum

Relchap, Iraq Khualipi Baghdad ah vawlei khu he aa cawh mi thlichia a hran ruangah nunphung a buai ngai, tiah theih a si. Baghdad i thlichia hrang hi a fah tuk caah State of Emergency phuan colh a si lengah Baghdad khuapi i vanlawng lut le chuak ding vialte zong dinhter dih an si.

Vawlei khu le thlichia hran ruangah Baghdad khuapi muisam rawng cu aa dang kho dih i, hi thlichia ruangah hin Sianginn le cozah zung vialte zong khar dih an si. Thlichia hi a zualhmat tuk caah lamhla deuh cu hmuh khawh zong a si lo. Hi bantuk thlichia hi Baghdad ah kan tong bal lo, tiah ram mi hna nih cun an chim. Vawlei khu aa dawp sual mi cheukhat hna cu sii-inn ah oxygen pek an hau, tiah theih a si.

“SAC nih Chin ramkulh, Matupi ah 2022-2023 cacawn kum sianginn hun a timh. Grade 5 le Grade 8 cawn ning thar chimh cawnpiaknak training an kai,” tiah CDM tuahmi siangcachim(sayamah) pakhat nih a chim. Cawn ning thar chimh cawnpiaknak cu Matupi peng Head of Education Ṭin Luai inn ah an tuah i an dih cang, tiah theih a si. Tualchung mi nih an chim ning ah, “Head of Education(ပညာရေးမှူး) zung hlun ah bomb a puah caah Ṭin Luai cu zung a kai ngam ti lo. A herh mi zung rian kong cu a inn ah a tawlrel,” tiah an chim

Cheukhat cu a ruang tampi ruang ah CDM tuah an ngol i zung rian an lut ṭhan hna. Cu kong he pehtlai in CDM sayamah pakhat nih, “Mah le lung i thlen ning cio a si ko. Kannih zong kan har tuk ko, aho hmanh tangka tampi ngeih in CDM tuah mi kan um lo. Kan zeizong vialte kaltak in CDM kan tuah. CDM a tuah ko nain zung rian a lut ṭhan mi hna kong ah zeihmanh chim ding a um lo,” tiah a chim. Matupi ah sianginn hun ṭhan an timh ko nain Matupi peng khuate hna cu CDF nih an uk caah SAC ralkap nih sianginn hun an i tim lo, tiah theih a si.

Rakhine ram ah kahdohnah pawl chuahter tthan lo dingah kap hnih in ceihhmainak ngeih a herh tiah cathial thiam Way Hein Aung nih CNI ah a chim. Rakhine ralkap AA in Rakhine ram ah kap hnih kahdohnak pawl caan rikhiah loin a chuah kho nak kong cu May thla ni 15 ah chuah a si.

Wah Hein  Aung nih , ” A biakin kan hmuh ningah ceihhmainak ngeihter hi duh a si. AA lei nih an herh mi an chuah pi zongah SAC ralhrang lei nih an mah an duh mi chuahpi a herh mi a si. Mah chuahpi mi ah khan ceihhmai a si lai cu. Ceihhmainak ceih ter hi duh mi a si. Si duh ter mi cu zei a si ti ah cun khi lei ah ralzaam har tong pawl zong tampi an um.

Minung 90000 hrawng inn ah a kir kho rih lo mi an um rih. Hi hna pawl zong hi ruah a sur hlan ah inn ah kir ter an herh. Mah sining buah kahdohnak a chuah tthan ah cun hinak in a har deuh a cian deuh lai i, a tha lo. Cu ruangah kan mah nih kaphnih in ceihhmainak , i theihthiamnak negih ka duh piak hna” tiah a chim.