Salai Ngun San Aung nih thihnak a tongmi a nau le hna sian lonak
===========================
Salai Ngun San Aung nih thihnak a tongmi a nau le hna sian lonak “Ka Naule zeiton hen kan ton eee. Nun nih a celh lo ee. Pa.. kaa zumh kho hrim lo ee. Ziah U Aung nagmah kan zul cang lai na ka ti kha kan izulh manh rih tunglo. Hika i na neh le na nang vialte zeitin hen na hawile nih kan vun tuar khawh lai? Na rauthla tal in rak kan tlawng te mu ka Nau” tiah a ngaihchiatnak a langhter ve i Nikhat hnu ni khat in kahdohnak a fak chinchin cang lai ti zongin a Facebook story ah a langhter.
Japan PM Hlun An Thah MAH Kan Thah Khawh Lo (Miṭha Chan Tawi Miṭhalo Chansau Asiko) Japan PM (Prime Minister – Vuanzichuk Hlun) Shinzo Abe cu Meithal in an kahthat. Japan PM Saubik a ṭuan mi asi. Election Campaign ah, Japan Nitlakram Nara Khuapi ah, bia a chimh lio ah, Japan Lavy – Ti Ralkap hlun pa nih; meithal in an kah. Siizung an zam pi nain an kan liam tak.
PM Hlun Shinzo Abe le An nu hi Kawl ram caah, tampi bawmhtu ansi. Kawlram, Phungki Siang Inn, Ngakṭah Siang Inn, CSO tbk ah tampi, relcawk lo bawmhtu an si. Kawlram Humanitarian bawmhnak caah Donor dirhhmun in tampi ka bawmh rih hna lai ati lio ah an kan liam tak hi asi. Mr. Shinzo Abe cu NUG Hawikom asi caah, Paucan Dohthlennak ah Humanitarian, Fimcawnnak le Ngandamnak caah bawmhnak kan hal khawh ding mi asi. Lakhruak CHIN Cozah a dir tikah tawn ding mi Vawleipi minthang Hruaitu pakhat asi.
Hi bantuk miṭha hna an chan a tawi i Miṭhalo MAH le Ralhrang Kawlram Rallokap bawizik hna an nung dam rih mi hi khuaruah har asiko. An chan tawi mi Miṭha, Bochuk Aung San, Mahatma Gandhi, Abraham Lincoln, John F Kennedy, Martin Luther King Jr: Chansau Miṭhalo rual Ne Win, Than Shwe, MAH, Husen (Cambodia PM), Putin, Pu Ngun San Aung, Dr. Andrew Ngun Cung Lian, Dr. Hmuh Thang, Pu Zo Bawi, Pu Lian Luai, Pu Sui Ṭhio, U Aung Than, U Ni Lin Aung, U Pa Thang, tbk an tampi.
Miṭhalo an chansau nak hi Buddhism in tuak ahcun: Miṭhalo cu minung in an kir ṭhan ti lailo caah, Vawlei ah saupi an nung tiah, Buddhist Baibol ah aum. Cucaah MAH le Ralhrang Luzik hna cu kan thah khawh hna hi asi. Camh thiam le Doih thiam, Hnamngeih zong nih an thah khawh hna lo nak aruang cu hi hi asi. MAH cu chimh lo, a saal tumkheng rual asi mi, Pu Ngun San Aung le Dr. Andrew Ngun Cung Lian zong thah duh hlah uh, nan thah khawh hna lailo, Zeitintiah Miṭhalo an si caah asi. An Khuachia Kawl Biaknak le Cawnpiak nak nih nawl a pek mi hna ansi.
Sagaing Ramṭhen Mawlaik Ah SAC Ralkap Bomb Puahhnawh An Tong 8 I An Thi: SAC ralkap motor 3 cu nizaan July 7 chunhnu ah Sagaing ramṭhen Mawlaik(မော်လိုက်) ah Mawlaik tualchung hriamtlai phu nih bomb an puahhnawh hna caah SAC ralkap 8 an thi tiah theih a si. Minung thazaang 100 hrawng nih zulhmi SAC ralkap motor 3 cu WaiDawngh(ဝဲဒေါင့်) thing ah-nak hmun lei an kal lio, lampi ah bomb puahhnawh an tong, tiah tualchung hriamtlai phu in chimphuannak nawlngeitu nih The 74 Media ah a chim.
“A hlankan in thawng kan theih caah an ratnak ding lampi ah bomb kan hmanh, kan hmanhmi bomb lung hnih nih a hliamh hna i, a thimi zat cu SAC ralkap lei he naihniam in a ummi sin in kan theih, 8 an thi i, hliamhma tuar zong an tam,” tiah a chim. SAC ralkap hna nih cun WaiKaTa(ဝဲကသာ) khua inn 2 cu an khangh, tiah a chim chap.
Sagaing ramṭhen Mawlaik(မော်လိုက်) peng ah SAC ralkap le tualchung hriamtlai phu kar atu le tu ti tluk in kahdohnak a chuak. A luancia May 15 zong ahkhan Ṭhawta(ထော်သာ) khuachung um SAC ralkap le pyusawhṭi hna cu tualchung hriamtlai phu nih an kah hna caah ralbawi pakhat le pyusawhṭi 2 an rak thi. Mawlaik(မော်လိုက်) peng cu Sagaing ramṭhen chung Chindwin tiva nitlaklei ah a ummi a si i, inn 10,000 reng lo le milu 55,000 hrawng an umnak pengkulh a si.
Ca Ah Phaisa Cawi A Duhmi Cu Covid-19 Raikhamsii Chunhnak Certificate Pek Nan Si Lai – SAC
Kachin ramkulh Puta-O(ပူတာအို) peng ah Lorianṭuantu hna nih cinthlaknak ca ah phaisa cawi an duh ahcun Covid-19 raikhamsii chunh cangnak certificate pek nan si lai, tiah SAC lei nih an chim, tiah tualchung mi sin in theih a si.
SAC nih Puta-O peng ah a ummi lorianṭuantu pawl ca ah fur i cin mi facang cinnak phaisa cu July 9 ah Puta-O stadium ah cawi khawh a si. Phaisa cawi a duh mi hna cu Covid raikhamsii voi 2 tiang chunh cang nak certificate zong pek chih an si lai, tiin an chim, tiah Kaungkathaung (ကောင်ကထောင်) sang ummi pa nih KNG media ah a chim.
Puta-O peng khua hna cu khuakhat ah ni 2 caam in aa changchang tein phaisa cawih an si lai i, July 9 in Kaungkathaung sang le Lungsut(လုံးစွတ်) sang ah thok colh a si lai tiah theih a si. SAC nih facang cinnak ca ah phaisa an cawih ning cu 1 acre ah 150,000 kyats in cawih a si. Cu phaisa cu 2023 February thla ah cham ṭhan ding a si lai, tiah theih a si.
Leave a Reply