Salai Lungthlitum khuachung I Kah Ahcun Inn A Kang Dih Sual Lai Kan Krial Piak Ko Uh

Hakha pastor hna nih ‘khuachung i kah ahcun inn a kang dih sual lai, kan hrial piak ko u’
==================
Hakha pastor hna nih ‘khuachung i kah ahcun inn a kang dih sual lai, kan hrial piak ko uh’ tiah Hakha Chinland Ddefence Force an rak nawl hna i tutiang cu kan khualipi chung ah i kahnak a um hraw ti lo. A vun dai ngai cang, ralzam zong an kir pah cang.

Thantlang ah cun khuachung ah i kah an hrial lo leng ah Thantlang Chinland Defence Force le Chin National Army nih khuachung bak ah hmunhma an lak. Inn lakah an i thup. An i kap caan bomb an hman tikah inn a kang colh lengmang. Lungfim upa zong nih khuachung i kah hrial ding nawlnak pakhat hmanh a um bal lo, kah ding rumro an forh hna. Ngaihchia ngai a si.

Ai domi ralkap phu pahnih nih khuapi pakhat ah hmunhma an lak veve i an i kap lengmang ahcun cu khuapi a ciam dih lai ti cu ngakchia bawhte hmanh nih fiang tuk in a theih lai. Ral biatak deuh in an i tuk nak khuapi a him ti a um bal lo, khawika ram hmanh ah.

Lam i palh sual caan ah ‘ka palh’ tiin palhmi lam kaltak in a tha deuhmi lam thar i thim than kha i nautat awk a si lo. Kan miphun ralkap nih khuapi lak taktak nan i tim hlan chung cu khuachung i kah kan hrial piak cang ko u.

Kai thlak lengmang hi a zohchia i ka caah a thahnemnak a um lo, huatnak lawng kai huah timi ka theih ko. Nain, miphun caah a herh tuk tiah ka ruah i a chim ngammi midang an um lo caah ka duh lo buin kei kai thlak tawn hi a si.

salai lungthlitum

Be the first to comment

Leave a Reply

Your email address will not be published.


*