Zephai khua nih CNA/F le CDF caah $ singthum ( 300,000) An Thawh
===============================
Thantlang peng Zephai khua nih CNA/F le CDF caah $ singthum ( 300,000) an pekchanh tiah theih si. Lungrual cu tthawnnak le teinak hrampi a si.Zephai khua Bawipa nih ram le miphun caah hmangchin ko hna seh.
Zephai khua Miphun le ram caah nanthawh mi phaisa nih miphun le ram damter hram koseh. Asunglawi hringhran.lomh um tuk e. Pathian nih thluachuah inpe kohna seh.Mi vial te kan rak ilawm tuk cio ee,Bawipa nih dongcat lo in thlachuah pe zungzal ko hna seh.Zophei tlang kan chuak thluahmah cang lai. Lomh a um tuk ee. Chinmi hmunkhat te ah funtom can a si cang. Mah Peng Mah tlang ti um ti hlah seh.
Relchap, Pumpi Hlen In Mipi A Hlen Tu Ah Hruaitu Luban Hna I Tel Ve Hi Ral Kan TEI Lonak Asi. Kawl nih Aithing Mehhang an ti (ဂျင်းအထည့်ခံ). Mirang nih April Fool anti. April thla lawng ah I dehcawh asi. April Fool cu dawt ruang ah le Kawidua si ruangah, i dehcawh asi. April Fool hi cu: hlen asi lo kan ti lai.
Chinmi nih Lih le Hrawkhrawl kan ti. Pumpi hlen in mi hlen kha a chim duh mi asi. Kawl ram belte ah a pumpi in I hlen lawngte asi. Kawl le Chin hlenthawi ningcang pahnih an kem cang ahcun: Pumpi hlenh bakin an kan hlen cang I a luat mi an tlawm te ve. Kan hnu lei kum 5 hrawng khan, hi hlennak hi Kawlram ah biatak tein a rak I thawk. Social Media, Facebook, Twitter, Instagram’s, Viber, Messenger, WhatsApp, tbk kan hmang khawh rih in, hlen nak hi biatak tein kawlram ah a karh.
Pumpi ning in mi a hlen khawh tu hna Konglam le sining kan hlat tikah: awka thlum le bia nem mi; mifim le mizer tiam; hna an si kha hmuh khawh asi. Mi laarsang le Mipi hruaitu hna an i tel mi hmuh ko ah hin Lungrawk asi bak ko. Kan ram le miphun dam lo nak asi, Miphun pi limhang zawr tertu asi caah, Apoi tak tak.
Kanmah CHIN miphun lawng kha hlen ahcun Apoituk rih lo. Kawlram pi le Vawleipi hngalh in lih le hrawkhrawl kan chimh mi hna nih CHINMI an kan hloh bik. Bianabia: R2P ara lai, Drone in MAH te kan kahthat dih hna lai; ICC ah tazacuai asi lai caah MAH le Ralbawizik hna hrithlai in thah colh asi te lai; UN ralkap an ra lai; NATO ara lai i, MAH te cu an nung in kan tlaih hna lai; MAH sualnak ting 4 leng aum caah athih hrim lai,
Federal Army in MAH te kan tuk hna lai; thla thum ah kan thluk hna lai: Meithal tampi kan in pek hna lai; hmang cawk lo tiangin; American le Nitlakram nih hriamnam le meithal kan duh mi vialte an kan bawmh lai, Keimah nih ka chimh cang hna; Keimah nih ka tawn dih cang hna; MAH he Sipuazi tuah ti loin, kawlram in an chuak dih cang lai, EU zong ka tawn viar cang hna; tbk in atam tuk…….Keimah nih. Mipi zong amah nih tiah amah le anmah ah kan I za cang.
Pathian philh tiang in amah le anmah ah kan tlau dih. Amah nih a ti ahcun: zeizong te tlamtlin le hlawhtlin cia ah ruah asi.
An fimkhur ning le an thlafim tuk ning cu: Zeitik can ahdah, zei bantuk kong in ka lemsoi hna lai ti kha an hngalh tuk. Zeibantuk minung le fans nih, zeidah an duh ti kha an hngalh dih cikcek. A thlum maw, a al dah an duh ti kha an hngalh khawh tuk caah mipi duhning in bia an chimh, ca an ṭial I an thlah, asi khawh le si khawh lo kha, an tuak mi asi lem lo.
An chimh rel ning in asi theng lai ti zong an tuak tan lem lo. Mipi lungthawh nak le mipi nih Upat lawng kha annih an tirawl asi ve. An thai thawh, chuncaw le an zanriah, an Pizza, hambaker le an zemlo asi ko rawh. Hlen ahcun a tlotho bik an si tawn. Kan hlen hna kha I theih hlah seh an ti I ta asi ko lai. Tlawmte le pelte lawng an ṭuan I tampi an thanh ve. An tuah mi vialte hmanthlak he an thlah dih. Mikip nih AMEN AMEN Amen Halleluiyah an ti dih.
Amah a chim mi cu a dik viar, a tuah mi zong an ṭha pet, tiah an ti cio dih. Asi khawh lo, asi lai lo van ti sual ahcun, Uico saruh chut mi an lo, an bo ning le an kan bauh ning hi, Ceihngia run nih saṭil seh lai ko bang kan hluan ve. Zei bantuk hmuitinh in dah? Adik le dik lo, asi khawh le si khawh lo kha biatak tein an tuak ti lo, an mit an chinh i, an cohlan dih ko. A cohlan lo tu vialte cu kan Krifa na si lo kan ti colh, Dalaan Degree kan pek hna.
Timh ciammam tein hlawknak hmuh duh ah le anmah laarnak (Popular le Credit) caah an tuahmi asi kha mi tampi nih kan bang khawh tawn lo. Tampi zong aa hlawk I, an min a thang ve bak. Can a hung rau tikah, hlen kan si kha an hung hngalh ve tik ahcun; Can a luan tuk cang. Cuticun Aithing mehhang cu ei ter lengmang kan si.
Mipi cu voksa hang kan I dinh sual cang I, mual kan pho ve bak ko. Paucan Dohthlennak ahcun; Hlen nak le biakam nak I zumh ruang ah nunnak tampi an liam I thisen tampi a luang ve. Hlen tu le dehcawh tu hna nih an thisen man kan phurh ngam hnga maw? Hlen ruang ah khuaram le Innlo tampi an rawk, an ciam I, an king ve. Khuapi le Innlo cu kan remh khawh tuk, Minung nunnak belte siam ṭhan khawh asi tilo.
Pau Dohthlennak hruaitu Upa lawng hi Aithing paih hmang mi an si lo. Social Media (Maivan) le IT chan ah hi hi atambik mi asi. Online in thil zuar ti te hna khi tampi deuh cu hlen asi nain, an nih cu Customers satisfaction timi cawktu an I lunghmui caah sual asi lo.
Hruaitu Upa hna nih Sawthing kan paih mi cu mipi le kan fans hna an I lunghmui ahcun apoi lo, sual asi ve lo, kutchut an tuk belte ah roling asi I, rolung bunh asi ve. CHINMI cu mi sifak, santlaih lo lawng nih biachimh kan I sum I, Upa hruaitu, pa fim, Paza le mi fimthiam hna tu hi bia aa sum bak lo mi nan si. A dik mi nan chimh ahcun apoi loh, Hlen nak le aithing paih asi mi kha apoi mi cu asi.
Maivan le Internet ah hi bantuk hi tambik hmuh lengmang asi. Aithing Page, Aithing Website, Aithing Media, Aithing Phu, Aithing Siang Inn, Aithing Dr. Aithing Celes, Aithing ruahnak cheutu, Aithing Lobby, Aithing fans, Aithing tindan pektu, Aithing Siibawi rual, Aithing Saya / ma, Aithing codes, Aithing Professionalists, Aithing CDF / PDF, Aithing CDF ralbawi, Aithing mangtara tbk in an tam tuk, hrial khawh cawk zong an si tawn lo. Kan I pah can zong a tam ngai.
Mipi tamdeuh nih an duh mi le an cohlan mi, an upat mi, paput langcawi mi, asi hi na hngalh lo maw, cohlan ve law, YES ti ve, AMEN ve, Halleluiah ve, tbk in kan pawng minung le Innpa cu Aithing kan paih chap rih hna. Amah nu, amah pa a cohlan lo tu le a soisel tu cu mi tlamtlin lo le lungkhat ngeih ah kan ruah dih hna, Rallokap Party le minung Dalaan tiah kan ti rih hna.
Hlenthawi nak, fir nak le Aithing paih mi Dohthlennak le a hruaitu kan si lo nak hnga, kan ziaza ṭhing le kan ṭial vialte kha kal tak cang hna usih. Mupi bang thazang thar lak usih law, Ralhrang Rallokap kan thluk hlan tiang kam lo chuncha bang dir in, za tlai buin kal hna sih.
Leave a Reply