Salai Lungthlin Tum Nih Falam Thilcang Kong le Pu Zo Tum Hmung Kong A Tial Mi Hi A Dik Kho Taktak, Rak Rel Ve Hmanh!
===================
Cawn awk tlak Falam lungput, Falam kan unau hna nih Rev. Dr. Hre Kio le Dr. Tluang Cung Thang an conglawmh hna ning le an cawisan hna ning hmuh tikah uar an um tuk. An caah thiltha a tuahtu mitha cu kokek an si le silo zoh loin upat an phut zat in upat an pek hna timi fiang tein hmuh khawh a si.
An cawisan hna i dawtnak an theihthiam caah Rev. Dr. Hre Kio le Dr. Tluang Cung Thang zong an i lawm i Falam cung ah dawtnak an ngei chinchin ve. An chuah semnak an khua nak hmanh in Falam cung ah siaherhnak le dawtnak an ngei deuh lai. Dawtnak kha dawtnak in an lehrulh khawh caah a fek bikmi tlaihchannak a chuak tawn.
Kannih Hakha le Thantlang lei cu dawtnak he thiltha a tuahtu hna kha conglawmh ‘appreciate’ kan hmang hna lo. Pakhat nih dawtnak lungthin tak in thil a tuah hmanh ah ‘pakhat khat ngah a duhmi a um caah a si ko lai cu’ tiin lunghrinh in thangchiat kan hmang. I lawmhpi kan hmang lo, a hlawh tling deuh poah kha doh le ral kan hmang. Thil tha tuah tikah appreciation hmanh ngah loin thangchiat lehlam i huah tawn a si tikah thiltha tuah aduhmi zong an tha thawh lo caan a tampi lai, cucu miphun kan sunghnak nganpi pakhat a si ve.
Pathian zong nih a kan dawt caah a kan dawtnak kan theihthiam ’appreciate’ ding kha a kan duhpi, a dawtnak kan theihthiam lo caan ah ai lawm ve lo. A sermi minung cu kan tling lo caah thiltha tuah caan ah conglawmh a duh tukmi kan si hna.
Tuhnu cun Falam kan unau lungput hi i cawn ve cang u sih. Hnahchuahnak lungput hrial in conglawmnak ‘appreciation’ tu hi hmunhma pe deuh cang u sih — kan thancho deuh nak hnga. Crd-Salai Lungthli Tum
Guam in US a phanmi pakhat he nai kha bia kan i ruah i Guam an um lio an harnak le US mainland an phaknak kong hna tampi a chim. Guam i harnak a tongmi an rak lak hna nak kong cu tam ngai ka theih vemi a si. ‘Pu Zo Tum Hmung tham cu khrihfabu nih an fial ruang ah dakaw tawlreltu lakah ai tel ve men i a si ko cu, amah a um lo zong ah khrihfabu nih an kan lak ko lai, amah nih a kan lakmi a si bak lo, khrihfabu nih an kan lakmi asi’ tiin a chim len ko.
US cozah ton khawhnak ding caah a cawlcang bikmi kha Pu Zo Tum Hmung a si timi ai fiang lo, naitan NUG vuanci nu US cozah vuanci he i tonnak tiang a tawlrel piaktu zong cu Pu Zo Tum Hmung a si timi hmanh khi a pemh lo. Hell ram a lomi hmunhma in vanram a lomi US ram a phak nak ding ah a tawlrel piaktu bak kha a hei thangchiat salam ko. Minung cheukhat kan lungput duh a nun lo ning, hibantuk minung ruang ah mitha tampi thiltha tuah an tha a chia tawn lai dah. Crd-Salai Lungthli Tum
US student visa sawk a duhmi caah thawngtha , Nai hrawng hi US Embassy ah visa interview a tuahtu minung an i thleng i visa a ngahmi an hun tam deuh ngai. Kum no deuh a si i community college or university ah degree course kai ding in visa a lutmi tam deuh cu visa an ngah, English course cu a ngahmi an tlawm deuh.
Yangon kan office zong nih US student visa kan sawk piak than cang hna. Community college tampi he pehtlaih kan ser cang. Visa na ngah ahcun rethei man agent fee $500 na kan pek lai, na ngah lo ahcun agent fee pek a um lai lo, free a si lai. English a thiam deuh rih lomi caah English cawnnak le visa interview caah training peknak zong kan tuah chih. Yangon kan zung ah classroom tha takmi kan ngei. Thla hnih course a si lai, October 11 in thawk a si te lai. Course man ting 2 a si lai. A thiam bakmi cachimhtu nih chimh a si lai, keimah zong nih ZOOM in ka chimh ve hna lai.
English class caah phaisa a pe hmasa bik minung 10 cu discount 50,000 cio pek a si lai, course man 150,000 lawng liam a si lai tinak a si. Yangon ah zung pahnih kan ngei, Tanlan bus stop pawng kan zung kha cachimhnak le zung rian tuannak caah hman a si i keimah pumpak ton aka duhmi nan um ahcun keimah personal office GEMS Condo ah ton khawh lengmang ka si lai. Kan zung pahnih kar minute 5 ke kal a si.
Yangon kan zung hi minthar NEXstep Education tiah kan thlen. Kan page zong like&follow kan tuah piak cio ve hram u. US lawng si loin Canada, Australia le UK tibantuk ah sianginn kai a duhmi poah kan in bawmh khawh hna. Agent dang sin in visa asawkmi zong nih ruahnak hal nan ka duh ahcun ka office ah free tein ruahnak rak hal khawh peng ka si(free consultation). Pehtlaih nak: 09796486552, nexstepeducationmyanmar@gmail.com . Share ka tuah piak ve hram aw, hmaizarh khi a share tu caah phone bill tingkhat man awngbali tuah piak a si te lai. Crd-Salai Lungthli Tum
Relchap,Manle Khua Ah Phungki Telhin Minung 3 An Tlaih Hna, Tualchungmi Cu Phaisa in An Tlanhter Hna, Sagaing ramṭhen Indaw peng Manle khua cu nihin September ni 29 zinglei ah SAC ralkap pawl cu meithal puahpah in an rak lut i phungki pakhat le tualchungmi 3 an tlaih hna tiah theih a si. Cu an tlaihmi hna cu phaisa in rak tlanh uh tiah SAC nih tualchungmi hna cu thawng an thanh hna tiah theih a si.
SAC ralkap pawl cu Manle khuami a dam lo mi mino pakhat, Sii sayamah pahnih le phungki pakhat cu an tlaih hna i tualchungmi a dang cu a himnak ah an zaam dih tiah theih a si. Zinglei ah Tanbu (တန်ဘို) khua le Laynaung(လယ်နောင်)kar ah kahdohnak a chuah i tualchung hriamtlaiphu hna nih bomb in an kahdoh hna tiah theih a si. Cu kahdoh nak ahcun SAC ralkap lei a thi le aa hliam mi cu kan thei kho lo nain tualchung hriamtlaiphu lei in ralkap 2 an nunnak liam tiah theih a si.
Cu SAC ralkap pawl cu thazaang 175 hrawng an si , September ni 28 lio zongah Aungkone(အောင်းကုန်း)khua inn 4 an khangh pinah mino pakhat zong an rak thah bal cang. Cun Indaw le Maeya kar ah tualchung hramtlaiphu he an rak i kap i ralphaw ah Hinnu (ဟင်းနု) khuami pakhat cu an rak tlaih i an thah beh tiah theih a si.
Kawl Ralkap Sinah Hriamthil Zuarh Lo Ding Biachahnak Pehzulh Dingin US nih A Ruat, Kawl ralkap sinah hriamthil zuarh lo dingin biachahnak an tuahmi pehzulh dingin US nih kan i ruat cuahmah tiah US lei nih an chim tiah theih a si. American ramdang pehtlaihnak vuanci tangah a ummi Jame Obrieyan nih nihin September 29 ni ah atu bantukin an chim hi a si. American cozah nih Kawl ralkap hruaitu upa cungah dantatnak zong an tuah, cun Myanmar ram aithlen khawhnak ding caah phungphai zong an ser tiah theih a si.
Matupi khuachung ah meithal puahthawng a thang, Chin ramkulh, Matupi le Hpanaing khua kar ah nihin September 29, zaanlei suimilam 6:50 hrawng ah meithal puahthawng a thang i suimilam 7:00 tiang ah thawngpang a dai rihlo tiah tualchung mi nih an chim.
Matupi peng a luancia ni tlawmpal ah khan SAC ralkap le tualchung hriamtlai phu kar kahdohnak a chuak i, September 25 ni a cangmi kahdohnak ah SAC ralkap lei minung 4 an thi, 8 nih hliamhma an rak tuar tiah theih a si. Cun September 27, ni kahdohnak zongah SAC ralkap lei in minung 4 an thi ṭhan, minung 6 nih hliamhma an tuar tiah CDF-Matupi nih cathanh an rak chuah.
Matupi khua chung lamthluan ah, SAC nih Thantar a senmi an phun hna! Chin ramkulh, Matupi khua chung lam thluan ah SAC nih Thantar a senmi an phun tiah theih a si. A luancia September 20 thokin Mindat khuachung lamthluan ah cun cu Thantar a senmi cu an phun cang. Cun Paletwa khua lei lam zongah, cu Thantar cu an phun ve tiah theih a si.
Hakha ah cun Thantar a senmi cu an phun lo nain i thuhnak khor ni fatin in an cawh tiah theih a si.
Cu Thantar a senmi an phun mi cu, hihi cu SAC nih khuachung in khualeng nan chuah ahcun kan in kah hna lai ti langhternak caah an phun mi a si tiin bia chokvai tampi kan theih tiah khuami hna nih an chim. SAC nih hi ti bantukin Thantar a senmi an phunnak cu hi hmun hi kan i hmuitinhnak hmun a si an ti duhnak zong a si kho men tiah CDF-Matupi in tuanvo ngeitu pakhat nih cun a chim i, cu kong he pehtlaiin CDF-Matupi sin ah zeihmanh theihternak le ralrin peknak an tuah hna lonak kong zong a chim.
CDF-Kanpetlet nih SAC kuttang riantuantu hna cu ralrin an pek hna!! 2021 February 1, SAC nih hramhram uknak an lak ni thokin, Kanpetlet peng chung mipi hna nih SAC uknak cu kan cohlan khawh lo caah, belkheng tum in siseh, lamzawh in siseh, cozah riantuantu hna nih an rian kaltaakin CDM an tuahnak in siseh, mipi hna nih a phunphun in duhlonak kan langhter.
Cu duhlonak langhter in lam a zawhtu mipi hna cu hriamnam hmangin a kan thenthek dih caah, CDF-Kanpetlet nih hriam kan i tlaih i, SAC cu kan doh hna. SAC nih hin an uknak a hmunh khawhnak ding caah, ramkhel, ukhruainak le thanchonak timi tlangtar bunh in Kanpetlet khuachung ah riantuan le cawlcangh an i zuam caah inn hra uk,
inn za uk tiin khuabawi minung 19, meilei in minung 7, Red cross in 7, a dang minung 13 hna cu an riantuan dingin tuanvo an in pek hna pinah a herh ah cun hriamtlai ding tiang in tuanvo an in pek hna cu kan theih i, cu SAC rian a tuanmi minung zong fiang tein kan in theih cang hna.
Cu caah, CDF-Kanpetlet nih mipi caah nunnak a petu ralkap, tlaihkhih le thah a tongmi kan mipi hna caah, cu SAC he riantuantu nan dihlak a ra laimi October 15 tiang kan in hngah hna lai i cu chung ii CDM tuah duh loin pehtlaiin SAC kuttang riantuantu poh cu kan in hmuh hna nak poh ah a herh ningin hma kan in lak hna lai CDF-Kanpetlet nih nihin September 29 ah cathanh an chuah.
Mindat Pah-Ah-Phah cinthlaknak zung nih tolre rawl i ser khawhnak training an pek hna!! Chin ramkulh, Mindat peng, Public Administration le cinthlaknak zung nih mikip nih cin ciomi tolre cu, eidin tirawl ah sernak training an pek hna tiah nihin September 29 ah an thanh.
Mindat peng chung khuapi/te hna le ralhrial in a ummi mipi hna cu, Tolre in rawl ah sernak training cu TOT technique in mithmuh kuttongh in an cawnpiak hna i cu training ah minung 350 an kai kho tiah theih a si. SAC nih uknak an lak hnuin,
Mindat peng chung ah kahdohnak a chuah lengmang caah, SAC nih Mindat khua luhchuahnak vialte an phihkham dih. Eidin, sii-ai le thil dang dang hna zong SAC nih lut kho dingin an phihkham dih ruangah Mindat peng chung ah sii-ai i thlopbul khawh lo ruang ah le rawl eidin harsat ruang ah nunnak a liammi zong an um cang tiah theih a si.
Tachileik ah Thailand mi 2 le Myanmar rammi pakhat sin in hriamthil le rithaisi an tlaih, Myanmar-Thailand ramri Tachileik Saekham(ဆေခမ်း) sang chungah Thailand rammi 2 le Myanmar rammi pakhat sinin meithal le sing 212MMK man rithaisii an tlaih tiah theih a si.
September 28 ni, Tachileik, Saekham(ဆေခမ်း) sang chungah rihaisii kongah thawngpang theihmi a um caah inn pakhat cu luhhnawh an si i, cu inn chung ahcun Thailand rammi pa 2 le Myanmar rammi pakhat hmuh an si. Cu innchung cu checkhlatnak tuah a si i, ihnak chantling tangah pistol pakhat le kuan bawm 2 telhin 9mm Luger kuan 5 an hmuh tiah theih a si. Cu innchung ṭhiam ah cun 2.5 kg a ritmi lungthin a thlenter khotu rithaisi tlang 60 hmuh a si, cu rithaisi cu sing 212mmk man leng asi lai tiah theih a si. Crd-The Chin Post
Leave a Reply