Mohamad Salah nih cun an khua i coronavirus ngei mi an hman ding caah tiin oxygen bur tamlak a pek hna.
Liverpool forward hi Egypt ram khua pakhat Nagrig i a chuak mi a si, mah khua ah hin coronavirus ngei mi an tam ve ngai, tu lio zawtnak a ngei mi hna nih an hman ding caah tiin oxygen bur tamlak te a pek hna.
Kum 28 i upa mi Egyptian striker nih hin a hlan in an khua ah bawmhnak a rak pek tam ngai cang. Nagrig khua i a um mi hna caah tiin ambulance station sernak ding caah tangka zong a kuat cang hna pin ah siangin sernak ding caah le lentecelhnak sernak ding caah tangka zong tamlak in a rak kuat cang hna.
Nagrig Charity Association director Hassan Bakr nih cun Cairo radio station sinah,”Salah te chungkhar nih Basyon Central Hospital sinah Nagrig khua i coronavirus ngei mi hna zohkhenh lio mi hna hman ding caah tiin oxygen bur tam ngai cawknak ding caah tangka a rak kuat tiah a ti.
A hlan in Salah nih hin Egypt ram i mi harsa hna cu a rak bawm tam ngai cang. Salah hi mi tha taktak bak a si ko.
Leave a Reply