Tedim Peng, Khaikam Palek sakhan CDM ralkap tel in phu thum nih an kah Chin Ramkulh, Tedim Peng, Khaikam khuapi 9mile Palek sakhan cu 2021 September 17 zinglei sang ah PDF nih an kah i SAC minung panga an thi tiah khuami hna sin in thawng kan theih. Zinglei sang suimilaam 5:00 tluk ah meithal thawng theih a si tiah 9Mile palek sakhan pawng a ummi khuami pakhat nih The Hakha Post ah a chim.
“Zing suimilaam panga tluk ah meithal le bomb thawng kan theih. A hramthawk ah cun SAC minung nih tlerhkhawnnak ca ah an puah mi ah kan ruah. Khua a vun dei i, thawngpang dik zong kan theih hi a si. Cun, hi kahdohnak ruang ah Chin Ramkulh lei in a ra mi motor zeimawzat an taap. An kal kho rih lo. PDF lei in hliam an tuar le tuar lo cu kan thei lo. Pawngkam mi nih an chim ning ahcun SAC minung lei panga an thi,” tiah a cunglei khuami pakhat nih a chim. 9Mile palek sakhan a kaput hna hi PDF-Zoland, CDM le CDF-KKG hna I bawm in an kah mi a si a si tiah kan theih. TheHakhaPost
Tapaihcin khuachung um ralhrang phu hna sin ah thawngpe tu mirawitu hna sinah Tapaihcin peng mipi vengtu ralkap PDF nih meithal kuan he ralrinnak ca an pek hna tiah theih a si. Nihin September 16 ah Kabeh sang um San Mawng, ralhrang sin thawngpe tu Nga Poh, Kyaw Htay, Daw Lwin Mar, Saihkan sang Ko Shel le phu le Saw Chit Nyunt hna cu mirawitu rian ngol ding ah ca in ralrinnak an pek hna. Thawngpe tu mirawitu tuahpeng a si ko ah cun,
An nun humhimnak ding caah khelkham piak nan si lai lo tiah ralrinnak ca ahcun an tial chih. Nizaan September 15 zongah mirawitu nih thawng pek ruangah Tapaihcin khuachung ah lungtho ngai in riantuan cawlcang tu pakhat tlaihkhih a tong. Tapaihcin khuachung March thla chung ah ralhrang uk duhlo langhternak thazaang a thawn lio ah, mirawitu hna nih thawngpek ruang ah lawmzawh mi hna cu thencheu an ton leng ah, khuachung minung 4 an nunnak a liam. MizzimaEnter
Leave a Reply