Nihin Kahdohnak ah ralhrang 30 hrawng an thi

Sagaing ramthen, MinKin peng, PhetKhet khua pawng ah ralhrang phu hna le Kani mizapi vengtu ralkapbu KLG le Minkin Mahura KyaukYan afonhmi phu hna nih bomb zun 2 an puahhnawh hna i ralhrang 25 an thi kho tiah KLG nih a thanh. Tuni zinglei suimilam 8:00 hrawng ah bomb puah in an kah hna caah ralhrang 10 leng an thi kho,

Zinglei 11:00 hrawng ah an bomb in an kah than hna i ralhrang 15 an thi tiah Kani KLG phu nih cathanh chung ah an langhter. Sagaing ramthen,TaMu, khuapi um ChuangNatGyi Palek ralven nak ah ralhrang hna cit mi saikal cu Burmese Student Organization (BOS) mizapi vengtu ralkap (TaMu) i Battalion 1, Battalion then 3,

Siang ngakchia ralkap phu then hna nih nizan November 29 zinglei suimilam 7:45 ah an kah hna i kaphnih kahdohnak achuak i ralhrang 2 an thi. Mah kahdohnak ah meithal 2, kuan cheukhat an lak khawh i BSO ralkap phu hna lei in i hliam nak um lo tein hnu an tolh kho tiah cathanh chung ah an langhter. Khit Thit Media

Yangon khua laifang Butathawng peng Theinphy bu-choh lamcung motor pi-ke umnak hmunhma mei khanghpiak an ton caah nizaan zaan ah ralhrang phu hna nih cu ka hmun cu checkhlatnak an tuah tiah Yangon khuasa hna nih an chim.” Motor pi-ke umnak hmunhma mei a kang mi cu hmuh a si, ralhrang le palik phu zong an um, cu ka hmun cu an zoh hnu ah an kal than” tiah Yangon khuasami pakhat nih a chim.

Cun south Okkalapa peng no.4 sang, Parami lam ah ummi ralhrang phu kuttang um company ta si mi Parami YBS 14 line bus pakhat chungah November 29, zaanlei suimilam 6:30 ah puahkehnak a chuak tiah theih a si.” Nizaan zaan lei ah Parami bus chungah puahkehnak a chuak tiah kan theih, puahkeh thawng zong a thang tuk a si lo,

Minung aa hliammi zong an um lo ralhrang le palik cheukhat an rat cu hmuh a si” tiah cu ka hmun pawng ah a ummi pakhat nih a chim.Ralhrang phu ta si mi Parami bus, Omini Focus bus hna cu i cit lo ding in le ralhrang thil chuah a simi hna cu hmanlo ding in dothlennak ah cawlcaangmi mino hna nih mi zapi sinah nawlnak cathanh an rak chuah cang. Khit Thit Media

Be the first to comment

Leave a Reply

Your email address will not be published.


*