Sagaing Ramthen Le Magwe Ramthen Kan Thawngpang Theih Cu Dah Ngai In E!!!

Nizaan Le Tuni Chung Sagaing Ramthen Le Magwe Ramthen Thawngfonh

Tuni zaan lei suimilam 4:00 hrawngah Sagaing ramthen, Sagaing pengkulh, Sa-Cin khuate pawng Sagaing-Shwebo lam ah Aung Myo Tiha le San Lynn Maung hna cu SAC ralhrang nih zohfelnak an tuah hna i, PDF phu chungtel nan si tiah an ti hna i an tlaih hna tiah theih a si.

Cun tuni zinglei suimilam 9:00 hrawngah Sagaing ramthen, Kalay pengkulh Myaing Hla khuate Inn hna cu SAC ralhrang pawl nih zohfelnak an tuah hna ii, Inn pakhat ah mipi kan ralkap PDF nih an chiah mi hraimnam pawl cu SAC ralhrang nih an laak piak hna tiah theih a si.

Tuni zinglei suimilam 9:00 hrawng zongah Sagaing ramthen, Kalay myo peng Thuma khuate le Set-Kant khuate ah SAC ralhrang nih khuate inn hna cu luhhnawh in zohfelnak an tuah caah mipi kan ralkap hraimnam an laak piak chap hna tiah theih a si.

Nizaan zaanlei suimilam 3:30 hranwgah Sagaing ramthen, Kyauk-Myaing ah khualtlawng minung pali hna cu SAC ralhrang nih an dir ter hna i zohfelnak an tuah hna tikah PDF bomtu nan si tiah an ti hna i an tlaih hna tiah theih  asi.

Magwe ramthen, Pakokku pengkulh Pan-Tan-Chain khuate le Nan-Te khuate ah SAC ralhrang le mipi kan ralkap karah kahdohnak a chuak ii, SAC ralhrang nih mipi kan ralkap minung pa 3 an kahthah hna pinah an hriamnam an laak piak chap hna tiah theih a si.

Sagaing ramthen, Paungdpyin pengkulh, Lwin-Kyi khuate pawngah Cycle in a rak ra mi mipa pakhat cu SAC ralhrang ralkap pawl nih an dir ter i, a dir lo caah PDF na si tiah an ti ii Meithal in an kahthah tiah theih a si.

Nizaan suimilam 3:30am hrawngah Sagiang ramthen, Wetlet pengkulh Shwe-Paan-Kung khuate pawngah SAC ralhrang le mipi kan ralkap PDF kahdohnak a chuak ii SAC ralhrang nih mipi kan ralkap PDF nih an zaam takmi hriamnam pawl an laak piak hna tiah theih a si.