KNU brigade 5 hmunhma Phapun pengkomh chungah ralhrang phu hna cu KNLA nih December 11 le 12 nihnih chungah voi 7 an doh i, cu dohnak ah cun ralhrang minung 13 le BGF in minung 1 an dihlak ah minung 14 an thi i minung 3 nih hliamhma an tuar tiah Mutaw(မူတြော်) thawngzamhnak nih a langhter.
December 11, zinglei suimilam 10:00 ah Watokhoe pawngah BGF phu cu doh an ton caah BGF minung pakhat athi, chun suimilam 12:00 ah Phapun – Kamah-mawng lamcung meng 21 le Khyautejya kar ah voikhat kahdoh an tonthan caah ralhrang minung 1 a thi.
Cun Wahlu ah ralhrang nih umhmun an khuarnak sakhan cu chunhnu suimilam 1:47 le suimilam 2:41 ah KNLA nih luhhnawh in an doh hna caah ralhrang minung 2 an thi tiah theih a si. December 12, zinglei suimilam 11:40 ah Tamulalawummi ralhrang phu cu KNLA nih an dohthan hna caah ralhrang minung 5 an thi,
Chun suimilam 12:10 ah Thiba Laylaw ah ralhrang phu doh an tong than caah ralhrang minung 3 an thi i minung 3 nih hliamhma an tuar. Cun Khyaute le meng 21 kar ah kahdoh an si than i cuhmun kahdohnak ah cun ralhrang minung 2 an thi tiah theih a si. Ralhrang phu le KNLA kar kahdohnak ah KNLA lei a thimi le hliamtuar an um lo tiah KNU Mutaw (မူတြော်) thawngzamhnak nih a langhter. – Khit Thit Media
Sagaing ramthen, Shwebo pengkomh Walat peng Shingmaka lamtonnak pawngah ralhrang phu cu Taw-gyi-muai-hauh phu Shingmaka PDF) nih nihin December 15, zinglei suimilam 7:20 ah bomb lung 6 he an doh hna caah Tit Theink sakhan-hmu telhin ralhrang minung 4 an thi, kut kee bul tiang in hliamhma tuar zong an tam tiah Shingmakami zapi vengtu phu sin in theih a si.
” Taw-gyi-muai-hauh phu nih pa-de-ta bomb lung 6 an puahhnawh hna,Tit Theink sakhan-hmu telhin ralhrang minung 4 an thi. An hliamtuar ning a fak ngai cheukhat cu an tai tiang a cat i kut bul mi le kee bulmi an tam, an motor cu a hlonh in aa hlonh caah a thi lo mi zong an hliamtuar ning a faktuk” tiah Shingmaka PDF nih cathanh an chuah. Khit Thit Media
Sagaing ramthen, Myaung peng December 14 ni ah ralhrang phu chungtel minung 2 cu an nun bu in tlaih an si tiah Myaung PDF nih an chim. Ralhrang phu chungtel Tat-kyat-gyi pakhat le tat-kyat pakhat an nun bu in tlaih an si, tlaih a tongmi ralhrang chungtel minung 2 cu mi zapi nih,.
Kan thah hna lai tiin an ra cio tiah Myaung PDF he neihniam in ummi pakhat nih a chim. Atu ah ralhrang tlaih in hren an sinak hmunhma ah khuachung mi hna nih kan thah lai tiah khuachung zapi ngawt in an rak chuak cio, a chuakmi cu an tam taktak a thong cu an tling kho men” tiah a chim chap.
Myaung pengchung ah Sagaing-Monywa motor lampi ah a kalmi ralhrang motor 3 cu December 14 ah bomb lung 8 he doh an ton caah ralhrang minung 20 nak tlawmlo an thi tiah mi zapi vengtu PAFD nih cathanh an chuah. Sagaing chaklei Kani peng Chindwin tiva ah
Ralhrang hriamtlai phu hna nih zulhmi tilawng cu Kani mi zapi vengtu phu nih bomb puahhnawh in an doh hna caah ralhrang minung 10 an thi tiah cathanh an chuah.
Leave a Reply