Sagaing ramthen, Myinmu pengkulh, Inma khuate cu SAC ralhrang nih tuni zinglei suimilam pa 4 hrawngah motor tlangpi pahnih in SAC ralhrang ralkap pawl cu a phorh hna i, Inma khua cu an luhhnawh kahdoh hnu ah khuami minung 20 leng cu an tliah hna i ralphawh ah an hman hna tiah theih asi.
Inma khua cu SAC ralhrang nih an kahdoh timi kong he pehtlai in a pawngkam hrawngah a um mi PDF hna nih Mipi pawl cu bomh dingin an va kal hnawh hna hnu ah kaphnih in kahdohnak a chuah nak kong, kahdohnak chungah mipi ralkp aminung pahnih an nunnak a liam nak kong cu theih a si.
” Zinglei suuimilam pa 4 hrawngah Inma khua lei ah uico pawl cu motor tlangpi pa 2 in an rak ra i, an rak luhhnawh hi a si. Inma khua an luh hlanah Inma khua luhnak pawngah Te Tan khuami minung 20 hna cu ralphawh ah an hman hna. Inma khua ah khua hmunhimtu PDF pawl he SAC ralhrang pawl cu kaphnih in kahdohnak a chuak i,
Shwe Caung Kaan khua in PDF bomh dingin a ra mi PDF minung pahnih nih ram le miphun caah an nunnak a peek hi a si.” tiah tualchung mi pakhat nih a chim.
Pago ramtthen, DaitOo pengchung tualchung PDF sakhan pakhat cu SAC ralkap nih May 23 ah a luhhnawh hna tiah theih a si. SAC ralkap hna nih zinglei suimilam 5:00 hrawngah Yoma tlangah kai in Sakhan cu an kan luhhnawh i an kahdoh tiah tualchung hriamtlai phu chungtel pakhat nih Than Lwin Khet ah a chim.
” Sakhan leng ah a ummi an tlaih hmasa hna hnu ah SAC ralkap thazaang tampi in Yoma tlang ah an kai” tiah a chim. Sakhan luhhnawh an ton caah PDF 4 tlaih an tong, pakhat nunnak a liam tiah tualchung hriamtlai phu hna sin in theih a si. Tuthla zarhkhatnak ah NUG cozah nih Pago ramtthen mipi uknak hmunhma kauh ding in timhtuahnak an ngei tiah an chim hnu ah, SAC ralkap hna nih Pago ramtthen chungah thazaang tampi a chap ve.
China nih Myanmar ram ah tlanglawng in seh thilri container lung 60 ka kuat lai tiah Chinese Embassy in Myanmar nih May 24 ah a thanh. Cu container lung 60 chung ah cun seh thilri, electronic thilri, motor le cycle thilri hna an si lai tiah Chinese Embassy nih cun an thanh.
Cu thil kuatnak cu China-Myanmar lamthar simi Chungchint(ချုံချင့်) – Linchain(လင်းချန်) – Myanmar International tlanglawng lam a si i, May 23 ah Chungchint, Gawyuam(ကော်ယွမ်), Yuicuai(ယွီကြွေ) tlanglawng hmun in aa thawh tiah Chinese Embassy nih an thanhmi ah an langhter. Cu container cu tlanglawng lam le motor lam in ni 15 chungah Mandalay ah kuat a si lai tiin an chim.
Myanmar ram buainak umlio ah China nih container lung 60 kuat a timhmi hi thil sawhsawh cu a si lailo tiah China ramchung rian ngeitu pakhat nih a chim. Cu tlanglawng cu dohthlengtu phu hna nih tha tein ngiatthlainak tuah a herh tiah a chim chih.
Cu container cu China-Myanmar ramri tiang tlanglawng nih a phorh lai i Myanmar ram chung ah cun motor nih a thiar khawh men tiah a chimchap.
Leave a Reply