SAC Uico ralkap Nih KNU Cu Kan i Doh Sual An Ti Cang

Nihin an i kahnak zong hi KNU-KNLA Tatmaha(6) hmunram chung thiam ah a si. A tlawmbik ah SAC Uico ralkap 20 an thi tiah KNU lei nih an langhter i a dang ralhrang hliamtuar zong an tam ngai ti asi. Cun SAC Uico ralbawi zong tlaih mi an um chap tiah an chim fawn. SAC ralhrang pawl cu an i chuah sual cikcek ko.

Zanlei Kahdohnak ah ralhrang 30 hrawng an thi, a Thi le hliam a tuar mi 50 hrawng an si tiah theih asi. KNLA lei in hriamtlai pakhat hliamhma a tuar December 15 le 16 fak ngain an i kap Ralkap zong an i ngeichih ngai ve ko lai.

KNU hmunram ah an va lut, KNU control nak taang ah a um mi khuate pawl ah tlaihkhihnak an va tuah ruang ah KNU nih an phomh taktak ko hna. Nizaan in kahnak a chuah hi a si. Nizaan lawng hmanh ah SAC ralhrang tam ngai an thi, a nung in 23 leng an tlaih hoi hna. Cun nihin chun lila zong ah SAC ralhrang pawl tam ngai an thi tthan i atu hi a thi mi ruak pawl an lak cuahmah lio asi.

Laykaegaw pawng Behihgalaw khuapawng ralhrang phu le KNLA kar kahdohnak ruangah khuachung mizapi hna cu tiva lonh in Thai ram lei ah an zaam i, Thai ram lei ah a phancang mi minung 700 lenghrawng an si cang tiah theih a si. Nihin zinglei suimilam 9:00 in kahdohnak an thok i kahdohnak chungah ralhrang phu nih hriamngan in khuachung an kah caah khuachung um mipi hna cu an zaam,

Cu an zaamnak hmun ah khua a sih cang caah angkilum le puan kan herhtuk tiah ralzaam dirhmun in a um mi pakhat nih a chim. A tu ah Laykaegaw , Thimaewakhi, Maetrawtalay Behihkalaw khua in minung 2000 leng cu ralhrang dirhmun in an phan i Thai ram lei ah a zaam mi hi minung 700 hrawng an si cang tiah theih a si. Khit Thit Media, The Chin Post

Be the first to comment

Leave a Reply

Your email address will not be published.


*