August 20, Chin Ramkulh Hakha khua ah SAC ralkap nih zarh khat chung an hren mi motor 8 cu August 19 zaanlei sang ah Thantlang khua lei ah an chuak cang, tiah kan theih.
Atu bantuk in hren mi motor pawl hi Mandalay lei in a rak kai mi motor ngan 2 le hmanlung pakhat an si. Cun, Kalaymyo in a rak kai mi motor ngan mi 4 pin ah Thantlang in thil lak ah a kal mi motor pakhat he an dihlak 8 an si, tiah kan theih. Mandalay lei le Kalaymyo lei in a rak kai mi motor 6 cu eidin a phur mi ke hleihnih ngei lawngte an si hna. Pakhat cu hmanlung a si i Hnaring khua lei ah a kal ding a si tiah kan theih.
“Atu bantuk in a kan hren hi zarh khat chung a si. Kan motor cu certual pawng ah an kan chiahter i kan thil he voucher he zohfelhnak an tuah dih hnu ah motor khaaltu cu khuachung zong ah luhchuah kan ngah ko,” tiah motor khaaltu pakhat nih The Hakha Times ah a chim.
August 19 zaanlei sang ah Hakha in Thantlang lei ah kan chuak kho hna. Motor tam deuh cu zaan sml 8:00 in 9:00 karlak ah kan phan ko. Hnaring lei i a kal ding mi hmanlung bel hi kannih kan chuah ahcun a chuak kho rih lo. Tuni August 20 ah chuah ding in an tiam mi ansi tiah a chimchap.
The Hakha Time
Leave a Reply