SAC ralkap 4 kahthah dohnak ah KIA nih PDF-Katha a bawmh

May 30, Sagaing Ramthen, Katha Peng, Shwepyithit le Hena khua kar SAC ralkap le PDF kahnak ah thazaang an i buaktlak lo ca ah KIA nih an bawmh hna.

Hi kahdohnak ah SAC ralkap 4 an thi i 4 an hliamh hna. PDF lei in minung 5 an i hliam.

Relchap : Khuakheen ruang ah Tlanglo tuah mi cheukhat pawcawmnak kong ah lungrethei

The Hakha Times, May 30 Chin Ramkulh hmun zeimawzat khuakheen ruang ah tlanglo tuah in paw aa cawm mi hna kumvui pawcawmnak, tirawl kong ah lungrethei in an um, tiah kan theih.

“May thla thokka hrawng khan ruahti a tla vupvap (tlawmte suur) i facang, fangvui (kawm), hmanphek (thakbare) le thlai dangdang kan thlak (tuh) mi an keu (kheu) pah cang nain khua a kal (ruahsuur ti lo) ruang ah ni a lin tuk i an con, an eu, an mal, an caar i an thi. Nikhua kong kan chim khawh lo bantuk in kan thlai an i sersiam than lai maw ti hi kan hngal kho lo. A fiang mi cu kumvui hi tirawl lei harnak kan tong ko lai,” tiah Vanzang Tlang khua pakhat in khuami nih The Hakha Times ah a chim.

Hi bantuk khuakheen in thlai an thih hi Chin Ramkulh Thantlang Peng, Falam Peng le Matupi Peng hna ah a si i kumvui pawcawmnak tirawl kong ah lungrethei in an um, tiah kan theih.

The Hakha Time

Be the first to comment

Leave a Reply

Your email address will not be published.


*