SAC ralkap 100 Leng nih Khua an luh Hnawh i khuami 4 le PDF 4 An Thah Hna

Sagaing Ramthen ah SAC ralkap nih PDF chuekhat le sualnak ngeilo khuami an thah hna, October 11| Sagaing Ramthen, Tigyaing (Htee-Chaing) Peng Laytha khuate ah SAC ralkap a ruunpi in an luut i sualnak ngeilo khuami cheukhat le PDF cheukhat an thah hna. “SAC ralkap minung za lengkai nih an luhhnawh hna i hriamngan an hman ruang ah khuami 4 le PDF 4 an thi,” tiah khuami pakhat nih Khit Thit Media ah a chim.

CNA Ralbawi a simi le CNF/A Spokesperson a simi Salai Htet Ni nih a ralkap dihlak sin ah biacahnak a tuah mi vun rel cu thinlung a tongh ngai ngai. Meithal kuanfang hmang in Chin miphun tuanbia fek kan tial caan a phan cang tiah fiang ko in a langhter lawng si loin kan nunnak le thazaang a dik cikcek tiang in kan doh cang lai tiah a langhter. “Ka ralkap dihlak, nihin kan caan cu Meithal le Kuanfang hmang in Chin miphun tuanbia humhimnak rolung phun caan dirhmun ah kan phan cang.

Kan nunnak le thazaang a dik cikcek zong ah a dih dongh ding kan doh hrim lai timi biakamnak he Pathian sin ah nan sinak dihlak pek caan a hun si cang. Bia kan cah duh mi hna cu, Ralkap ahcun zeibantuk chimfiannak hmanh a um kho lo, Ralkap ahcun cunglei order pek cang mi cu el awk tha loin ttuanchuah a si ko cang. Kan tei hrimhrim lai timi ruahnak le thinlung put ngei cio cang uh, Kan teihrimhrim fanw ko lai, lung awtawm in um hlah uh, kan tei hrimhrim fanw lai” tiah a tial hi asi.

A cung cabia hi CNA Ralbawi a simi le CNF/A Spokesperson a simi Salai Htet Ni nih a ralkap dihlak sin ah thazaang peknak a tuah mi asi. A cabia vun rel cu thinlung a hno ngai ngai ko. Pathian nih kan ralkap dihlak him tein zohkhenh hna sehlaw an doh cuahmah mi SAC ralhrang cihmit lak in teihram hna seh.